२०८१ चैत्र २४ आईतवार
२०८१ चैत्र २४ आईतवार

‘माइक्रोसफ्ट एआई फेस्ट नेपाल २०२५’ हुँदै, गिनिज बुकमा नाम लेखाउने अवसर

काठमाडौं । दिग्गज प्रविधि कम्पनी माइक्रोसफ्टले नेपालमा ‘माइक्रोसफ्ट एआई फेस्ट नेपाल २०२५’ आयोजना गर्ने भएको छ । राष्ट्रिय आविष्कार केन्द्रसँगको सहकार्यमा कम्पनीले ८ अप्रिलमा एआई सम्बन्धी कार्यक्रम सञ्चालन गर्ने भएको हो ।

राष्ट्रिय आविष्कार केन्द्र, पोखराका निर्देशक इन्द्र ओलीका अनुसार यो कार्यक्रम भौतिक रूपमा एक दिनको हुनेछ भने अनलाइनमार्फत विश्वव्यापी रूपमा ५० दिनसम्म सञ्चालन हुनेछ । यस कार्यक्रममा एआई सम्बन्धी विभिन्न गतिविधि समावेश हुनेछन् । जसले सहभागीलाई एआईबारे ज्ञान हासिल गर्न र नयाँ सीप सिक्न मद्दत गर्ने अपेक्षा गरिएको छ ।

सहभागीले एआई एजेन्टसँग काम गर्ने तरिका, एआई सेक्युरिटी, एज्युर एआई फाउन्ड्री, गिटहब कोपाइलट, माइक्रोसफ्ट फ्याब्रिक आदिका बारेमा जानकारी पाउनेछन् । त्यस्तै यो कार्यक्रम व्यवसायी, विद्यार्थी र अन्य पेशेवरलाई उत्तिकै उपयोगी हुने जनाइएको छ ।

नेपालमा भौतिक रूपमा यो कार्यक्रम काठमाडौं, पोखरा र दाङमा आयोजना हुनेछ । पोखरामा ६००, काठमाडौंमा २५० र दाङमा १५० जनालाई सहभागी गराउने लक्ष्य राखिएको छ । कार्यक्रम आयोजना हुने स्थानको टुङ्गो चाँडै लाग्ने ओलीले बताए ।

माइक्रोसफ्टले एआईलाई दैनिक जीवनको अभिन्न अङ्ग बनाउँदै यसको प्रयोगलाई सरल बनाउने उद्देश्यले यो कार्यक्रम आयोजना गरेको जानकारी दिएको छ । एआई स्किल फेस्टको आयोजनाले विश्वभरका शिक्षार्थीलाई एकै ठाउँमा भेला भएर एआई सीप विकास गर्ने अवसर प्रदान गर्ने कम्पनीको विश्वास छ ।

८ अप्रिल २०२५ मा माइक्रोसफ्टले एकै दिनमा धेरै व्यक्तिलाई अनलाइन मल्टि-लेभल आर्टिफिसियल इन्टेलिजेन्सको सीप सिकाएर गिनिज वर्ल्ड रेकर्ड्समा नाम लेखाउने प्रयास गर्ने बताएको छ । माइक्रोसफ्टको प्रयास सफल भए उक्त दिन सहभागी हुने सहभागीको नाम गिनिज बुकमा आउनेछ ।

भौतिक रूपमा एक दिनका लागि सहभागी हुनेहरू पनि अनलाइनमा सहभागी हुनुपर्नेछ । ५० दिनसम्म अनलाइन मार्फत सञ्चालन हुने सो कार्यक्रममा ह्याकाथन, प्रत्यक्ष प्रशिक्षण, ट्युटोरियल, अन-डिमान्ड ट्रेनिङ, कम्युनिटी प्रोग्राम र माइक्रोसफ्ट लर्निङ च्यालेन्ज जस्ता कार्यक्रम हुनेछन् । 

माइक्रोसफ्टले २४ मार्च २०२५ मा कार्यक्रमको बारेमा थप जानकारी सार्वजनिक गर्ने बताएको छ । एआईको क्षेत्रमा रुचि राख्ने सबैलाई यो कार्यक्रममा सहभागी हुन र एआईको भविष्य निर्माणमा योगदान गर्न आह्वान गरिएको छ । भौतिक र अनलाइनमार्फत सहभागी हुनका लागि यहाँ क्लिक गरेर फारम भर्न सकिन्छ ।

पछिल्लो अध्यावधिक: चैत ८, २०८१ १४:२७





सामाग्री श्रोत :
टेक पाना

छुटाउनुभयो कि ?

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।

ताजा अपडेट