२०८२ असार २८ शनिबार
LATEST NEWS
२०८२ असार २८ शनिबार

गुगलले ल्यायो नयाँ सब्स्क्रिप्सन मोडेल, मासिक ३४ हजार तिरेर सबै एआई मोडेल प्रयोग गर्न सकिने

काठमाडौँ। गुगलले आफ्नो सबै एआई टुलको एक्सेस दिने नयाँ सब्सक्रिप्सन मोडेल सार्वजनिक गरेको छ । मङ्गलबार आयोजित गुगल आईओ (I/O) कार्यक्रममा कम्पनीले नयाँ सब्क्रिप्सन मोडेल ‘एआई अल्ट्रा’ घोषणा गरेको हो । 

यसका लागि प्रयोगकर्ताले प्रति महिना २४९.९९ अमेरिकी डलर (करिब ३४ हजार रुपैयाँ) तिर्नुपर्नेछ । यो नयाँ प्लान लिने प्रयोगकर्ताले गुगलका एआई एप जेमिनाई, नोटबुकएलएम, व्हिस्क र नयाँ एआई भिडियो जेनेरेसन टुल ‘फ्लो’ प्रयोग गर्न सक्नेछन् । निःशुल्क यी प्लेटफर्म प्रयोग गर्दा सीमित प्रम्प्टमा मात्र काम गर्न सकिन्छ । त्यही सीमितताका कारण यी टुल प्रयोग गर्न नपाएका प्रयोगकर्तालाई लक्षित गर्दै कम्पनीले यो नयाँ सब्स्क्रिप्सन प्लान ल्याएको हो ।

‘एआई अल्ट्रा’ प्लान अन्तर्गत प्रयोगकर्ताले जेमिनाई २.५ प्रो को नयाँ रिजनिङ मोड ‘डिप थिङ्क’ पनि प्रयोग गर्न पाउनेछन् । यो मोडेल ‘अत्यन्त जटिल’ गणित र कोडिङका लागि डिजाइन गरिएको हो । यसले क्रोममा जेमिनाईको एक्सेस दिने कम्पनीले जनाएको छ । यसले गर्दा यो नयाँ सब्स्क्रिप्सन लिने प्रयोगकर्ताले आफ्नो ब्राउजरभित्रै त्यसको छेउमा जेमिनाई एआई प्रयोग गर्न सक्नेछन् । 

यो नयाँ सब्स्क्रिप्सन लिने प्रिमियम सदस्यले गुगलको एआई अनुसन्धान प्रोटोटाइप ‘प्रोजेक्ट मेरिनर’ पनि प्रयोग गर्न सक्नेछन् । यसले एकै पटकमा १० ओटासम्म काम स्वचालित रूपमा गर्न सक्छ । खासगरी जानकारी खोज्ने, बुकिङ गर्ने र विभिन्न प्रडक्ट खरिद गर्ने काम यो टुलले गर्न सक्छ । 

‘एआई अल्ट्रा’ योजना खरिद गर्ने प्रयोगकर्ताले युट्युब प्रिमियम पनि प्रयोग गर्न सक्नेछन् । त्यस्तै गुगल फोटोज, ड्राइभ र जीमेलमा ३० टीबीसम्मको स्टोरेज पनि पाउने कम्पनीले उल्लेख गरेको छ । यो नयाँ सब्स्क्रिप्सन मोडेल मङ्गलबारदेखि अमेरिकामा उपलब्ध भइसकेको छ भने कम्पनीले अन्य देशमा पनि विस्तार गर्न सुरु गरेको छ ।

गुगलले प्रति महिना १९.९९ डलर पर्ने ‘एआई प्रो’ प्लान पनि अपग्रेड गरेको छ । यसले अब भिडिओ जेनेरेसन टुल ‘फ्लो’ र क्रोममा जेमिनाईमा अतिरिक्त शुल्क बिनै एक्सेस दिनेछ । अर्थात यो प्लान गर्ने प्रयोगकर्ताले फ्लोमा एआई भिडिओ तयार पार्न सक्नेछन् । अपग्रेड गरिएको ‘एआई प्रो’ प्लान पहिले अमेरिकामा र त्यसपछि अन्य प्रयोगकर्ताका लागि उपलब्ध हुने गुगलले जनाएको छ ।

पछिल्लो अध्यावधिक: जेठ ७, २०८२ १२:३३





सामाग्री श्रोत :
टेक पाना

छुटाउनुभयो कि ?

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।

ताजा अपडेट