काठमाडौँ । नयाँ वर्ष २०८२ को अवसरमा सीजी इलेकट्रोनिक्स अन्तर्गत रहेको एलिका ब्रान्डले “लाइट अप विथ न्यु कुकिङ एक्सपिरियन्स” नामक विशेष अभियान सुरु गरेको छ । यस अभियानमार्फत ग्राहकहरूले एलिका ब्रान्डका अत्याधुनिक किचन उपकरण खरिदमा विशेष छुट र उपहारहरू प्राप्त गर्ने अवसर पाउनेछन् ।
ग्राहकहरूको खाना पकाउने अनुभवलाई अझ सहज, सुविधाजनक र रमाइलो बनाउने उद्देश्यका साथ यो अफर ल्याइएको हो । एलिकाका उत्पादनहरू नवीनतम प्रविधिमा आधारित रहेका छन्, जसले ऊर्जा बचत, उत्कृष्ट प्रदर्शन र दीर्घकालीन टिकाउपनको सुनिश्चितता प्रदान गर्ने दाबी गरिएको छ ।
यस अभियान अन्तर्गत, ग्राहकहरूले एलिकाका किचन उपकरणहरू जस्तै कुकटप/हब, कुकिङ रेन्ज, बिल्ट-इन ओभन/माइक्रोवेभ, र चिम्नी खरिद गर्दा निःशुल्क सीजी इलेक्ट्रिक केट्ली प्राप्त गर्न सक्नेछन् । यो अफरले ग्राहकहरूको नयाँ वर्षलाई अझ उपयोगी र आनन्ददायी बनाउने विश्वास कम्पनीले व्यक्त गरेको छ ।
ग्राहकहरूको सुविधाका लागि, सीजी इलेक्ट्रोनिक्सले १५ वर्षको वारेन्टी, निःशुल्क डेलिभरी, ०% ब्याजदरमा ईएमआई, र निःशुल्क जडानको सुविधा उपलब्ध गराएको छ । साथै, पुराना उपकरणहरू सजिलै एक्स्चेन्ज गर्ने सुविधा पनि प्रदान गरिएको छ ।
पछिल्लो अध्यावधिक: चैत २९, २०८१ ८:१९
सामाग्री श्रोत :
टेक पाना
