२०८२ बैशाख ७ आईतवार
२०८२ बैशाख ७ आईतवार

वर्षा‌को मौका छोपी दोब्बर भाडा असुल्दै राइड शेयरिङ एप पठाओ र इनड्राइभ

काठमाडौँ । राइड शेयरिङ एपहरूले बिहीबारको वर्षा‌पछि यात्रुसँग दोब्बर भाडा असुली रहेको पाइएको छ । राइड अर्डर गर्ने यात्रुको तुलनामा राइडर अपुग भएपछि इनड्राइभ र पठाओले भाडा वृद्धि गरेका हुन् ।

सामान्य अवस्थामा बाइकमा १३० रुपैयाँ लाग्दै आएकोमा इनड्राइभले सोही दुरीका लागि २५५ रुपैयाँ देखाइरहेको छ । इनड्राइभमा अस्वाभाविक लाभ पाइने भएपछि राइडरहरूलाई कायम राख्न पठा‌ओले समेत भाडा बढाएर सोही हाराहारी पुर्‍याएको छ ।

अर्को उदाहरण हेरौँ । प्रतिस्पर्धी कम्पनी जुमजुमले कोटेश्वरदेखि कलङ्कीसम्मको बाइक भाडा जुमजुमले १२५ रुपैयाँ देखाइरहेको छ । छुट बाहेकको मूल्य नै हेर्ने हो भने पनि उक्त एपमा १४५ रुपैयाँ देखिन्छ । जब कि सोही दुरीमा पठाओले २५४ रुपैयाँ र इनड्राइभले २८० मागिरहेका छन् ।

यसअघि गएको २०८१ सालको तिहारको बेला समेत इनड्राइभले यस्तै हर्कत गरेको थियो  । त्यसबेला यात्रुसँग तीन गुणा बढीसम्म भाडा असुल गरेको समाचार टेकपानाले प्रकाशित गरेको थियो । धेरै आम्दानी हुने लोभमा अधिकांश राइडर इनड्राइभतिर लागेपछि पठाओ लगायतका राइड शेयरिङमा राइडर भेट्नै मुस्किल अवस्था सिर्जना भएको थियो । 

यतिखेर भने पठाओले समेत इनड्राइभकै सिको गरेको जस्तो देखिएको छ । इनड्राइभ र पठाओले अस्वाभाविक मूल्य अफर गर्दा यात्रुसँगै अन्य प्रतिस्पर्धी राइड शेयरिङ प्लेटफर्मलाई समेत समस्यामा पारेको छ । 

पछिल्लो अध्यावधिक: चैत २८, २०८१ ११:५४





सामाग्री श्रोत :
टेक पाना

छुटाउनुभयो कि ?

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।

ताजा अपडेट