काठमाडौं । अमेरिकी राष्ट्रपति डोनाल्ड ट्रम्पले सोमबार चीनमाथि थप कर लगाउने धम्की दिएका छन्। अब यसमा चीनको प्रतिक्रिया आएको छ। चीनको वाणिज्य मन्त्रालयले ट्रम्पको धम्कीलाई ‘अर्को ठूलो गल्ती’ भनेर वर्णन गरेको छ।
मन्त्रालयले अमेरिकाबाट हुने कुनै पनि धम्कीपूर्ण व्यवहारलाई कहिल्यै स्वीकार नगर्ने र “अन्तिमसम्म आफ्नो सम्पूर्ण शक्तिका साथ करहरू विरुद्ध लड्ने” बताएको छ।
चीनको सत्तारुढ कम्युनिष्ट पार्टीले आफ्नो पत्रिका पिपल्स डेलीमा यस विषयमा लेख पनि प्रकाशित गरेको छ।
लेखमा चीनको प्रतिक्रिया ‘उपयुक्त, कानुनी, बलियो र संयमित’ रहेको भनिएको छ, जबकि अमेरिकाको मनोवृत्तिले यो संसारमा आफ्नो शक्ति देखाउन चाहन्छ भन्ने देखाउँछ।
लेखको शीर्षक छ: “दबाब र धम्की मार्फत चीनलाई सम्हाल्नु सही तरिका होइन।”
ट्रम्प प्रशासनको आलोचना गर्दै यस लेखमा अमेरिकाले करलाई हतियारको रूपमा प्रयोग गरिरहेको छ भने चीन अन्तर्राष्ट्रिय सहयोग र समानताको समर्थक रहेको लेखिएको छ।
सामाग्री श्रोत :
भन्सार बढाउने ट्रम्पको चेतावनीको जवाफमा चीनको प्रतिक्रिया ‘अन्त्यसम्म लड्न तयार छौं’
