काठमाडौं । पुतलीसडकस्थित अल्टिमा लाइफस्टाइल्सको नयाँ स्टोर अगाडि राखिएको साइनबोर्ड प्रहरीले हटाएको छ । शुक्रबार बिहान स्टोर उद्घाटन हुन नपाउँदै ग्राहकको भीड अनियन्त्रित भएपछि प्रहरीले सुरक्षा स्थितिलाई ख्याल राख्दै अल्टिमासँग सल्लाह गरेर साइनबोर्ड हटाएको हो ।
यससँगै कम्पनीले स्टोर उद्घाटन कार्यक्रम पनि केही समयका लागि स्थगित गरेको छ । साथै, नयाँ वर्षको अफर पनि तत्कालका लागि रोकिएको कम्पनीले जनाएको छ ।
अल्टिमाले पुतलीसडकस्थित स्टोरमा ‘फ्युजन ३६०’ किन्ने सुरुवाती ८२ जना ग्राहकलाई इयरबड्स ३६० रुपैयाँमा दिने अफर सार्वजनिक गरेको थियो । उक्त अफरका कारण शुक्रबार बिहान ५ बजेदेखि नै स्टोरबाहिर भीड बढ्न थालेको थियो ।
स्थिति नियन्त्रणभन्दा बाहिर जान थालेपछि सुरक्षाकर्मीको सहयोगमा भिड व्यवस्थापन गरिएको थियो । अवस्था सामान्य बनेपछि मात्र पुन: उद्घाटन र अफरको घोषणा गर्ने कम्पनीले जनाएको छ ।
पछिल्लो अध्यावधिक: चैत २२, २०८१ १७:१९
सामाग्री श्रोत :
टेक पाना
