काठमाडौं । गत हप्ता ओपनएआईले सार्वजनिक गरेको गिब्ली स्टाइल फोटो जेनेरेसन फिचरबाट ७० करोडभन्दा धेरै फोटो जेनेरेट भएको छ । योसँगै उक्त फिचर च्याटजीपीटीको हालसम्मको सबैभन्दा चर्चित फिचर बनेको छ ।
ओपनएआईका चिफ अपरेटिङ अफिसर (सीओओ) ब्राड लाइटक्यापले बिहिबार सामाजिक सञ्जाल एक्समार्फत एक पोस्ट राख्दै हालसम्म १३ करोडभन्दा बढी प्रयोगकर्ताले इमेज जेनेरेट गरेको जानकारी दिएका हुन् । यो फिचर सबैभन्दा धेरै प्रयोग गर्नेमा भारतीय नागरिक रहेको उनले बताएका छन् ।
२६ मार्चमा ओपनएआईले गिब्ली शैलीको आर्ट बनाउन सक्ने फोटो जेनेरेटर सार्वजनिक गरेको थियो । गिब्ली शैलीको आर्ट सबैभन्दा पहिले १९८० को दशकमा जापानी स्टुडियोले बनाएको थियो । हलुका र मधुर रङहरूको प्रयोग गरेर बनाइने यो कलाकृतिमा विस्तृत विवरणहरूमा ध्यान दिइन्छ । च्याटजीपीटीले उक्त किसिमको फोटो बनाउँदा कलाकारमा नराम्रो असर परेको भन्दै आलोचना समेत हुने गरेका छन् ।
very crazy first week for images in chatgpt – over 130M users have generated 700M+ (!) images since last tuesday
India is now our fastest growing chatgpt market 💪🇮🇳
the range of visual creativity has been extremely inspiring
च्याटजीपीटीमा गिब्ली शैलीको आर्ट बनाउन सकिने फिचर सबैभन्दा पहिले च्याटजीपीटीका प्रो, प्लस सब्स्क्रिप्सन लिएका तथा टिम प्रयोगकर्ताका लागि मात्र उपलब्ध गराइएको थियो ।
१ अप्रिलमा यो फिचर च्याटजीपीटीको कुनै सब्स्क्रिप्सन नलिएका प्रयोगकर्ताका लागि समेत उपलब्ध गराएको थियो । उक्त सुविधासँगै प्रयोगकर्तामाझ यो फिचर निकै चर्चित बनेको छ । प्रयोगकर्ताहरूले आफ्ना तस्बिरलाई गिब्ली आर्टमा रूपान्तरण गर्दै सामाजिक सञ्जाल प्लेटफर्महरूमा सार्वजनिक गरिरहेका छन् ।
यस फिचरका निःशुल्क प्रयोगकर्ताका लागि केही सीमा भने तोकिएको छ । प्रयोगकर्ताले एउटा फोटो बनाएपछि अर्को फोटो तयार पार्न केही समय कुर्नुपर्छ । थप फोटो बनाउन चाहने प्रयोगकर्ताले च्याटजीपीटीको शुल्क तिरेर चलाउने (च्याटजीपीटी प्लस) सेवा लिनुपर्ने वा सीमा रिसेट हुनका लागि पर्खिनुपर्ने कम्पनीले जनाएको छ ।
गिब्ली आर्ट कसरी बनाउने ?
१) सबैभन्दा पहिले यहाँ क्लिक गरेर च्याटजीपीटीमा जानुहोस् । (यदि अकाउन्ट साइनअप गर्नु भएको छैन भने साइनअप गर्नुहोस् ।)
२) त्यसपछि प्लसको आइकनमा थिचेर आफूले गिब्ली शैलीमा रूपान्तरण गर्न चाहेको फोटो छान्नुहोस् ।
३) च्याटबक्समा ‘turn this image into ghibli art style’ लेख्नुहोस्। (आवश्यकता अनुसार प्रम्प्ट परिमार्जन गर्न पनि सक्नुहुन्छ ।)
४) केही समयमै च्याटजीपीटीले तपाईँको लागि गिब्ली शैलीको आर्ट तयार पारिदिन्छ ।
तपाईँले गिब्ली आर्ट बनाउँदा कस्तो प्रम्प्ट राख्नुहुन्छ भन्ने कुराले कस्तो आर्ट बन्छ भन्ने कुरामा समेत फरक पार्छ । त्यसैले सकेसम्म सम्पूर्ण विवरण राख्न निर्देशन दिनुभयो भने आर्टले राम्रो नतिजा दिनसक्छ ।
यस्तै आफूले दिएको प्रम्प्टअनुसारको इमेज जेनेरेट गर्ने फिचर पनि च्याटजीपीटीमा उपलब्ध छ । जहाँ तपाईँले कस्तो किसिमको फोटो राख्न चाहनुहुन्छ त्यही अनुसारको निर्देशन दिएर फोटो पनि तयार गर्न सक्नुहुन्छ ।
अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
