चिकित्सा शिक्षा: सर्वोच्चको आदेशपछि पिजीको म्याचिङ स्थगित

काठमाडौं- चिकित्सा शिक्षा आयोगले स्नातकोत्तर तह (पिजी)को म्याचिङ र भर्नासम्बन्धी कार्यक्रम तत्काललाई स्थगित गरेको छ।आयोगले सर्वोच्च अदालतको अल्पकालीन अन्तरिम आदेशपछि खुला समूहको अनलाइन म्याचिङ प्रणालीबाट भर्नाका लागि शिक्षण संस्था र शैक्षिक कार्यक्रम छनौटका लागि सिट, अनलाइन प्राथमिकताक्रम निर्धारण म्याचिङ र भर्ना सम्वन्धी कार्यतालीका हाललाई स्थगित गरेको हो।पिजी अध्ययनका लागि प्रवेश परीक्षामा सहभागी भई उत्तीर्ण भएका चिकित्सकहरुले सिट संख्या घटेको भन्दै हालको म्याचिङ रोक्न माग गर्दै बुधबार सर्वोच्चमा रिट दायर गरेका थिए। सोही रिटका विषयमा बिहीबार भएको सुनुवाईपछि सर्वोच्चले आयोगका नाममा कारण देखाउ आदेशसँगै अल्पकालीन अन्तरिम आदेश जारी गरेको थियो।सर्वोच्चले आदेशका विषयमा छलफल गर्न दुबै पक्षलाई २६ चैतका लागि बोलाएको छ।अदालतले म्याचिङ तथा भर्नाका कार्यक्रम रोक्न भन्दै अल्पकालीन अन्तरिम आदेश जारी गरेपछि आयोगले शुक्रबार सूचना जरी गर्दै १४ चैतमा प्रकाशित सूचना अनुसारको सबै कार्यक्रम स्थगित भएको उल्लेख गरेको छ।आयोगले निजी मेडिकल कलेजहरुका लागि छुट्याइएको सिट घटाएर म्याचिङ तथा भर्ना प्रक्रिया अघि बढाएपछि परीक्षार्थीहरु आन्दोलित छन्। 
सामाग्री श्रोत :
swasthyakhabar