काठमाडौं । एलन मस्कले आफ्नो सामाजिक सञ्जाल कम्पनी एक्सलाई आफ्नै आर्टिफिसियल इन्टेलिजेन्स (एआई) स्टार्टअप एक्सएआईमा गाभ्ने घोषणा गरेका छन् । एक्सएआईले एक्सलाई ४५ अर्ब डलर दिनेछ, जुन मस्कले सन् २०२२ मा खरिद गरेको मूल्यभन्दा केही बढी हो । तर, यो नयाँ सम्झौतामा १२ अर्ब डलरको ऋण पनि समावेश छ ।
मस्कले आफ्नो एक्स खातामा यो सम्झौताले एक्सको मूल्य ३३ अर्ब डलर पुर्याएको उल्लेख गरेका छन् ।
“एक्सएआई र एक्सको भविष्य एकअर्कासँग जोडिएको छ,” मस्कले एक्समा लेखेका छन्, “आज हामीले डेटा, मोडेल, कम्प्युट, डिस्ट्रिब्युसन र ट्यालेन्टलाई संयोजन गर्ने आधिकारिक कदम चालेका छौं । यो संयोजनले एक्सएआईको उन्नत एआई क्षमता र विशेषज्ञतालाई एक्सको विशाल पहुँचसँग मिसाएर अपार सम्भावना खोल्नेछ ।”
@xAI has acquired @X in an all-stock transaction. The combination values xAI at $80 billion and X at $33 billion ($45B less $12B debt).
Since its founding two years ago, xAI has rapidly become one of the leading AI labs in the world, building models and data centers at…
मस्कले एक्समा तत्काल कुनै परिवर्तनको घोषणा गरेका छैनन् । यद्यपि, एक्सएआईको ग्रोक च्याटबट पहिले नै सामाजिक सञ्जाल प्लेटफर्ममा एकीकृत भइसकेको छ । मस्कले संयुक्त कम्पनीको मूल्य ८० अर्ब डलर हुने बताए ।
उनले सन् २०२२ मा ट्वीटर खरिद गरेदेखि प्लेटफर्ममा धेरै परिवर्तन गरेका छन् । यसअन्तर्गत कम्पनीका ८० प्रतिशत कर्मचारी हटाए, प्लेटफर्मको भेरिफिकेसन प्रणाली परिवर्तन गरे र सस्पेन्ड गरिएको अकाउन्टहरू केही महिनाभित्रै फुकुवा गरिदिए । अन्य धेरै नीति ल्याए ।
ट्रम्प प्रशासनमा मस्कको भूमिका बढिरहँदा एक्स र एक्सएआई गाभिने विषय बाहिर आएको छ । मस्कले एआई क्षेत्रमा आफूलाई एक नेताका रूपमा स्थापित गर्न पनि काम गरिरहेका छन्, जुन ट्रम्प प्रशासन र प्रविधि उद्योग दुवैका लागि ठूलो ध्यानको विषय भएको बताइएको छ ।
मस्कका अनुसार हाल एक्समा ६० करोडभन्दा बढी सक्रिय प्रयोगकर्ता छन् ।
अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
