२०८१ चैत्र २५ सोमबार
२०८१ चैत्र २५ सोमबार

८ महिनामै नेपाल भित्रिए २१ अर्ब रुपैयाँ बराबरका १४ लाख स्मार्टफोन

काठमाडौं । नेपालमा पछिल्लो आठ महिनामा १४ लाखभन्दा बढी स्मार्टफोन भित्रिएका छन् । भन्सार विभागले शुक्रबार सार्वजनिक गरेको फागुन मसान्तसम्मको तथ्याङ्कले यस्तो देखाएको हो ।

विभागका अनुसार आर्थिक वर्ष २०८१/८२ को साउनदेखि फागुनसम्म २१ अर्ब ९१ करोड ८३ लाख ६० हजार रुपैयाँ बराबरका १४ लाख ७ हजार ७८ स्मार्टफोन नेपाल भित्रिएका छन् । यसबाट राज्यले चार अर्ब आठ करोड ५१ लाख ८३ हजार रुपैयाँ राजस्व सङ्कलन गरेको छ ।

सोही अवधिमा नेपालमा एक लाख ३० हजार ७३५ थान स्मार्टवाच भित्रिएका छन् । २२ करोड ७२ लाख ७३ हजार रुपैयाँ बराबरको स्मार्टवाच भित्रिँदा राज्यले यसबाट छ करोड ८३ लाख १७ हजार रुपैयाँ राजस्व आम्दानी गरेको छ ।

त्यस्तै नेपाल भित्रिने राउटरको सङ्ख्या पनि उल्लेख्य देखिएको छ । तथ्याङ्क अनुसार गत आठ महिनामा चार लाख ८७ हजार ३२० थान राउटर आयात भएका छन् । एक अर्ब २५ करोड ४८ लाख ७२ हजार रुपैयाँ बराबरको राउटर आयात हुँदा राज्यलाई यसबाट २३ करोड ३५ लाख ३५ हजार रुपैयाँ राजस्व प्राप्त भएको छ ।

त्यस्तै आर्थिक वर्ष २०८१/८२ को साउनदेखि फागुनसम्म नेपालले १० लाख ८५ हजार १९ थान सिमकार्ड आयात गरेको छ । पाँच करोड ४४ लाख ५१ हजार रुपैयाँ बराबरको सिमकार्ड आयात हुँदा राज्यले यसबाट एक करोड ३३ लाख ४९ हजार रुपैयाँ राजस्व सङ्कलन गरेको छ ।

त्यसैगरी पछिल्लो आठ महिनामा दुई करोड आठ लाख १९ हजार रुपैयाँ बराबरका मेमोरी कार्ड आयात भएका छन् । एक लाख ८० हजार ८६० थान मेमोरी कार्ड आयात हुँदा राज्यले ५१ लाख ७३ हजार रुपैयाँ राजस्व सङ्कलन गरेको छ ।

नेपालमा पावर बैंकको आयात पनि उच्च देखिएको छ । पछिल्लो आठ महिनामा दुई लाख २१ हजार ९९२ थान पावर बैंक आयात भएका छन् । १२ करोड ९४ लाख ३४ हजार रुपैयाँ बराबरको पावर बैंक आयात हुँदा राज्यलाई त्यसबापत पाँच करोड ६४ लाख ४८ हजार रुपैयाँ राजस्व प्राप्त भएको छ ।

 

पछिल्लो अध्यावधिक: चैत १०, २०८१ १५:३९





सामाग्री श्रोत :
टेक पाना

छुटाउनुभयो कि ?

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।

ताजा अपडेट