काठमाडौं । ग्राहकको आवश्यकताअनुसार नवीनतम सेवा तथा सुविधा प्रदान गर्ने उद्देश्यले एनसेलले ‘सधैं अन १७९९ रोमिङ प्याक’ ल्याएको छ । यो प्याकले नेपालभर निर्बाध सञ्चार सेवा तथा मनोरञ्जन सुविधा प्रदान गर्नुका साथै भारत यात्रामा विशेष लाभ उपलब्ध गराउने कम्पनीले जनाएको छ ।
२८ दिनसम्म मान्य रहने यस प्याकमा नेपालभर अनलिमिटेड अल-नेट टक टाइम, १०० जीबी हाई स्पिड डेटा, अनलिमिटेड युट्युब सुविधा, बीमा सुरक्षा र रोमिङ सुविधा (डेटा र भ्वाइस) समावेश छन् ।
भारत भ्रमणका लागि उपलब्ध रोमिङ सुविधामा ६०० एमबी रोमिङ डेटा, १० मिनेटको इनकमिङ कल, १० मिनेटको आउटगोइङ कल (भारतभित्र वा नेपालमा) र एक लाख रुपैयाँसम्मको अस्पताल भर्ना तथा ओपीडी खर्च समेट्ने बीमा सुविधा छन् ।
करसहित रु. १७९९ पर्ने यो वन टाइम प्याकले ग्राहकलाई यात्रा सहज बनाउन सम्पूर्ण सञ्चार र सुरक्षा सुविधा प्रदान गर्ने कम्पनीको भनाइ छ । ग्राहकले १२३७*६# डायल गरेर यो प्याक सक्रिय गर्न सकिन्छ ।
एनसेलका चिफ कमर्शियल अफिसर उमेर मोहसिनका अनुसार यो प्याक यात्रामा रहने ग्राहकलाई उत्कृष्ट मूल्य र सहजता प्रदान गर्न डिजाइन गरिएको हो । “हामी विशेषगरी यात्रामा रहने ग्राहकहरूलाई उत्कृष्ट मूल्य र सहजता प्रदान गर्न प्रतिबद्ध छौं । ‘सधैं अन १७९९ रोमिङ प्याक’ प्रशस्त डेटा, अनलिमिटेड कल र मनोरञ्जन सुविधासहित ग्राहकहरूको सम्पूर्ण सञ्चार आवश्यकताहरू पूरा गर्न डिजाइन गरिएको छ,” उनले भने ।
एनसेलले यो प्याकमार्फत भारत भ्रमण गर्ने ग्राहकहरूको कनेक्टिभिटी अनुभवलाई अझ प्रभावकारी बनाउने लक्ष्य राखेको छ । साथै, नेपालभित्रका उच्च परिमाणका सेवा सुविधासँग मिलाएर विदेश यात्रामा पनि ग्राहकलाई निरन्तर सम्पर्कमा रहन सहजता प्रदान गर्ने उद्देश्य राखेको छ ।
पछिल्लो अध्यावधिक: चैत ९, २०८१ ८:३५
सामाग्री श्रोत :
टेक पाना
