२०८१ चैत्र २३ शनिबार
LATEST NEWS
२०८१ चैत्र २३ शनिबार

कस्तो छ ४९ हजार मूल्य पर्ने ‘अनर एक्स नाइन सी’ स्मार्टफोन ? (भिडिओ रिभ्युसहित)

काठमाडौं । नेपाली बजारमा हालै ‘अनर एक्स नाइन सी’ (Honor X9c) स्मार्टफोन भित्रिएको छ । ६.७८ इन्चको कर्भड एमोलेड डिस्प्ले, १०८ मेगापिक्सेलको ओआईएसयुक्त क्यामेरा, शक्तिशाली ६६०० एमएएच ब्याट्री र १२ जीबी र्‍याम जस्ता विशेषता छन् । यी फिचरले फोनलाई टिकाउ, आकर्षक र प्रदर्शनमा उत्कृष्ट बनाउनउ कम्पनीको दाबी छ । आखिर यो फोन कस्तो छ त ? आउनुहोस् फोनका विविध पक्षबारे चर्चा गरौं:

म यस फोनलाई ‘toughest smartphone’ भन्छु । यसको कारण के हो भने हामीले यसको डिस्प्लेमा गाडी नै कुदाएर हेरेका थियौँ । नतिजा चकित पार्ने खालको थियो । डिस्प्लेमा एक पनि स्क्र्याच आएन ।

डिजाइनको कुरा गर्दा, गहिरो चमकदार टच र स्मुथ फिनिशमा आएको यो फोन निस्सन्देह आकर्षक छ । यसलाई हातमा पकड्न पनि आरामदायी छ, थिन र प्रिमियम फिल दिन्छ । ठुलो क्यामेरा मोड्युल कतिलाई मनपर्छ भने कतिलाई नपर्ला, मलाई भने ठिकै लाग्यो । डिस्प्ले ६.७८ इन्चको कर्भ्ड एमोलेड हो, जसमा १२० हर्ज रिफ्रेस रेट र ४०० निट्स पिक ब्राइटनेस छ, जुन बाहिरी अवस्थामा पनि पर्याप्त हुन्छ । र यो पनि भन्नु पर्छ कि, आँखाको सुरक्षा लागि फोनमा ‘रिक्स फ्री डिमिङ्ग’ छ, जसले लामो समयसम्म स्क्रिनमा समय बिताउँदा आँखा कम थाक्नेछन् ।

टिकाउपनको लागि यस फोनको एउटा प्रमुख हाइलाइट यसको एन्टी ड्रप टेक्नोलोजी हो, जुन कम्पनीको दाबीअनुसार सफल रहेको छ । हामीले यो परीक्षण पनि गरिसकेका छौँ ।

अब यसको क्यामेराबारेमा कुरा गरौं । यो फोनमा ओआईएसयुक्त १०८ मेगापिक्सेलको मुख्य क्यामेरा, ५ मेगापिक्सेलको अल्ट्रा वाइड क्यामेरा र १६ मेगापिक्सेलको सेल्फी क्यामेरा उपलब्ध छ । फोनले खिचेका फोटो हेर्दा मलाई अनरको क्यामेराले वस्तुको प्राकृतिक रंगको तुलनामा अलि बढी इन्क्रिज गरिदिएको जस्तो लाग्यो, तस्वीरहरू अलि बढी स्याचुरेटेड पाएँ । यदि तपाईं एआई फोटोग्राफी अन गरेर फोटो खिच्नुहुन्छ भने वा बाहिरी उज्यालोमा फोटो खिच्नुहुन्छ भने यसको अनुभव अझ राम्रो हुनेछ ।

क्यामेराको मोडमा नाइट मोड, पोर्ट्रेट र ब्युटी अप्सन पनि छन्, तर मलाई त सामान्य क्यामेरा नै पर्याप्त लाग्यो ।

भिडिओको कुरा गर्दा, यस फोनको ब्याक क्यामेरा ३० एफपीएसमा फोरके भिडिओ शुट गर्न सक्षम छ । यो क्यामेराको ‘इम्प्रेसिभ पार्ट’ लाग्यो । मैले बाइक पछाडि बसेर क्यामेरा लगाएर पनि भिडिओ खिचेँ, र त्यसको क्वालिटी राम्रो नै देखियो । फ्रन्ट क्यामेरा ३० एफपीएसमा १०८०पी भिडिओ खिच्न सक्षम छ ।

अब फोनको प्रदर्शनको कुरा गर्दा यसमा स्न्यापड्रागन सिक्स जेन वन प्रोसेसर छ र एन्ड्रोइड १४ मा आधारित छ । सामान्य कार्य, खेलकुद र दैनिक प्रयोगका लागि यो पर्याप्त छ । हामीले पब्जी पनि खेली हेरेका थियौँ । यसमा अल्ट्रा एचडी ग्राफिक्समा अल्ट्रा फ्रेम रेटमा पब्जी खेल्न सकिन्छ । गेम खेल्दा फोन तातेको कुनै अनुभव भएन ।

फोन म्याजिक ओएस ८.० मा चल्छ । यसको यूआई सजिलोसँग कस्टमाइज गर्न मिल्ने र मल्टिटास्किङ्ग गर्न सक्षम छ ।

फोनमा ६६०० एमएएच क्षमताको सिलिकन कार्बन ब्याट्री दिइएको छ । साथै  ६६ वाटको फास्ट चार्जिङ पनि छ । सामान्य प्रयोगमा एक दिन र अधिकतम रूपमा दुई दिन टिक्ने पाइयो । 

स्टोरेजको कुरा गर्दा, यसमा १२ जीबी र्‍याम र २५६ जीबी  इन्टर्नल स्टोरेज छ । सुरक्षातर्फ, इन-डिस्प्ले फिंगरप्रिन्ट, पिन, पासवर्ड र फेस लक पनि पाउन सकिन्छ ।

नेपाली बजारमा यस  फोनको मूल्य ४८ हजार ९९९ रुपैया तोकिएको छ । यदि तपाईंले आकर्षक डिजाइन, टिकाउ ब्याट्री, राम्रो क्यामेरा र ड्युराबिलिटी भएका प्रिमियम फोनको खोजी गर्दै हुनुहुन्छ भने ‘Honor X9c’ लाई एक मौका दिन सक्नुहुन्छ ।

पछिल्लो अध्यावधिक: चैत ८, २०८१ १२:२४





सामाग्री श्रोत :
टेक पाना

छुटाउनुभयो कि ?

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।

ताजा अपडेट