काठमाडौँ । सामाजिक सञ्जाल टिकटकको लाइभमा अभद्र तथा अश्लील शब्द प्रयोग गरी गालीगलौज गरेको आरोपमा धनुषा प्रहरीले एक युवतीलाई पक्राउ गरेको छ ।
पक्राउ पर्नेमा जिल्ला धनुषा, जनकपुर उपमहानगरपालिका वडा नम्बर २४ की २० वर्षीया रोशनी खातुन रहेकी छन् । जिल्ला प्रहरी कार्यालय धनुषाबाट खटिएको प्रहरी टोलीले आरोपित खातुनलाई आइतबार नियन्त्रणमा लिएको हो ।
प्रहरीका अनुसार खातुनले टिकटक लाइभमार्फत समाजमा नकारात्मक असर पार्ने किसिमका अपशब्द प्रयोग गरेकी थिइन् । उनको क्रियाकलापले सामाजिक सद्भावमा खलल पुर्याउन सक्ने देखिएकाले नियन्त्रणमा लिइएको प्रहरीले जनाएको छ ।
पक्राउ परेकी खातुनविरुद्ध अभद्र व्यवहारसम्बन्धी कसुरमा मुद्दा दर्ता गरी जिल्ला अदालत धनुषाबाट म्याद थप गरिएको छ । हाल उनलाई जिल्ला प्रहरी कार्यालयको हिरासतमा राखी थप अनुसन्धान कार्य भइरहेको प्रहरीले जानकारी दिएको छ ।
पछिल्लो अध्यावधिक: असार ३०, २०८२ ११:२२
सामाग्री श्रोत :
टेक पाना
