काठमाडौं– नेपाल आयुर्वेद चिकित्सा परिषद्को अध्यक्ष र रजिष्ट्रार पद रिक्त भएको लामो समय भइसक्दा पनि नियुक्त हुन सकेको छैन।
परिषदमा अध्यक्ष र रजिष्ट्रार नियुक्त नहुँदा विद्यार्थी र चिकित्सकहरुको काम प्रभावित भइरहेको छ। आयुर्वेद चिकित्सकहरुले त छिटोभन्दा छिटो नियुक्तिको माग राखेर परिषदमा अनिश्चितकालिन तालाबन्दी समेत गरेका छन्।
अध्यक्ष र रजिष्ट्रार नियुक्तिमा ढिला हुँदा ती पदमा आकंक्षीको संख्या पनि बढ्दै गइरहेको छ।
स्वास्थ्य मन्त्रालय स्रोतका अनुसार राजनीतिक रुपमा भागन्ड नमिल्दा नियुक्तिमा ढिलाइ भइरहेको हो। परिषद्को कार्यसमिति विहीन हुँदा परिषद्का नियमित कामकाज ठप्प हुनुका साथै चिकित्सकहरूको दर्ता प्रक्रिया, विद्यार्थीहरूको शैक्षिक अवसर र चिकित्सा पदपूर्तिमा समस्या बढ्दै गइरहेको छ।
स्वास्थ्यखबरलाई प्राप्त विवरण अनुसार परिषदको अध्यक्ष पदका लाषगि डा. सन्तोष ठाकुर, डा रामचन्द्र अधिकारी र डा श्यामबाबु यादव रहेका छन्। यसका साथै अध्यक्ष पदकै लागि डा रामदेव यादव र डा मुनिकर्ण थापाले पनि आकंक्षा व्यक्त गरेका छन्।
रजिष्ट्रार पदका लागि डा. शंकर गौतम, डा. जया सत्याल, डा हरिशरण अर्याल, डा रमेश पौडेल र डा चन्द्रकिशोर यादवले चासो देखाएका छन्।
सामाग्री श्रोत :
swasthyakhabar
