स्वास्थ्य मन्त्रालयमा आउन लागेका सचिव महादेव पन्थ र सरुवा भएर जान लागेका सचिव हरी मैनाली।
काठमाडौं- सरकारले स्वास्थ्य तथा जनसंख्या मन्त्रालयका सचिव हरिप्रसाद मैनालीसहितका केही सचिवहरुको सरुवा गर्ने निर्णय गरेको छ।
सोमबार राती बसेको मन्त्रिपरिषद् बैठकले मैनालीसहित चार सचिवहरूको सरुवा गर्ने निर्णय गरेको हो।
मन्त्रिपरिषदको बैठकपछि एक मन्त्रीले दिएको जानकारी अनुसार स्वास्थ्य मन्त्रालयका प्रशासन तर्फका सचिव मैनालीलाई संस्कृति, पर्यटन तथा नागरिक उड्डयन मन्त्रालय सरूवा गर्ने निर्णय भएको छ।
मैनालीको सरुवा गर्ने निर्णयसँगै स्वास्थ्यमा बागमती प्रदेशमा प्रमुख सचिवको रुपमा कार्यरत महादेव पन्थलाई ल्याउने निर्णय भएको पनि ती मन्त्रीले जानकारी दिए।
यसैगरी, मन्त्रिपरिषदले शिक्षा मन्त्रालयका सचिव डा दिपक काफ्लेलाई उपराष्ट्रपति कार्यालयमा र उपराष्ट्रपतिको कार्यालयका सचिव लोकनाथ पौड्याललाई शिक्षा मन्त्रालयमा सरुवा गर्ने निर्णय गरेको छ।
सामाग्री श्रोत :
swasthyakhabar
