काठमाडौं। अमेरिकी राष्ट्रपति डोनाल्ड ट्रम्पले भारत र पाकिस्तान युद्धविरामका लागि सहमत भएको घोषणा गरेका छन्।
ट्रम्पले सामाजिक संजाल ट्रुथ सोसल मार्फत अमेरिकाको समन्वयमा भारत र पाकिस्तानल तत्काल युद्धविरामको लागि सहमत भएको दाबी गरेका हुन्।
ट्रम्पले भनेका छन्, ‘संयुक्त राज्य अमेरिकाको मध्यस्थतामा रातभरि चलेको वार्तापछि भारत र पाकिस्तानले पूर्ण तथा तत्काल युद्धविरामका लागि सहमति जनाएको घोषणा गर्न पाउँदा मलाई खुसी लागेको छ। सहज बुद्धि र महान् बुद्धिमत्ताको प्रयोग गरेकामा म दुवै देशलाई बधाई दिन चाहन्छु।’
यसैबीच पाकिस्तानका उपप्रधानमन्त्री इशाक दारले तत्काल लागू हुनेगरी भारतसँग युद्धविराम गर्न सहमति भएको जनाएका छन्।
पाकिस्तानी उपप्रधानमन्त्रीलाई उल्लेख गर्दै बीबीसीले लेखेको छ ‘पाकिस्तानले आफ्नो सार्वभौमसत्ता र क्षेत्रीय अखण्डतामा सम्झौता नगरी सधैं यस क्षेत्रमा शान्ति र सुरक्षाको लागि प्रयासरत रहेको छ।’
सामाग्री श्रोत :
