काठमाडौँ: टिकटकले नेपालका किशोर-किशोरीहरूलाई लक्षित गर्दै आफ्नो नयाँ ‘फ्यामिली पेयरिङ’ (Family Pairing) फिचर सुरु गरेको छ । यस फिचरमार्फत अभिभावकहरूले आफ्ना टिनएजर (किशोर-किशोरी) को टिकटक अकाउन्टलाई आफ्नो अकाउन्टसँग जोड्न सक्नेछन् । यसले अभिभावकहरूलाई आफ्नो छोराछोरीको अकाउन्टलाई सुरक्षित बनाउन थप सहज हुने कम्पनीले जनाएको छ । यसबाट परिवारका सदस्यहरूबीच जिम्मेवार र सुरक्षित इन्टरनेट प्रयोगको संस्कार विकास गर्न सहयोग पुग्ने अपेक्षा गरिएको छ।
फ्यामिली पेयरिङ फिचर सुरु गर्नको लागि टिकटकको “सेटिङ्स एण्ड प्राइभेसी” मेनुमा गएर क्यूआर कोड स्क्यान गरेर अकाउन्टहरू आपसमा जोड्न सकिन्छ । एकचोटि अकाउन्ट जोडिएपछि अभिभावकहरूले आफ्ना छोराछोरीको फोन नछोइकनै आफ्नै मोबाइलबाट सिधै सुरक्षासम्बन्धी सेटिङहरू परिवर्तन गर्न सक्नेछन्।
फ्यामिली पेयरिङमा १५ भन्दा बढी सुरक्षा, गोपनीयता र डिजिटल वेल-बिइंगसँग सम्बन्धित कस्टमाइजेबल फिचरहरू छन् जसलाई अभिभावकले आफ्ना छोराछोरीको टिकटक अनुभव अनुसार मिलाउन सक्नेछन्। जस्तै यसमा दैनिक स्क्रीन टाइम सीमित गर्ने, मेसेजिङ र कमेन्ट रोक्ने, उमेरअनुसारको कन्टेन्ट देखिने बनाउने, एकाउंट खोज्न मिल्ने या नमिल्ने बनाउने, सर्च सेटिङ कन्ट्रोल गर्नेजस्ता फिचरहरु रहेका छन्।
पछिल्लो अध्यावधिक: बैशाख १९, २०८२ १९:५४
सामाग्री श्रोत :
टेक पाना
