सामन्तवादी सत्ता जरा हल्लाउँछ कलम
देशको उच्च ओहदामा पुन्याउँछ कलम
नैतिकवान् र बुद्धिजीवी वर्गमा चिनाउँछ कलम
असल नागरिकको परिचय दिलाउँछ कलम ।
मात्र दश रुपैयाँको कलम…।
विकासको पूर्व योजना तयार गर्छ कलम
देश विकासमा योगदान पुन्याउँछ कलम
समाजमा अगुवाई भूमिका खेल्छ कलम
समानताको वातावरण सिर्जना गर्छ कलम ।
मात्र दश रुपैयाँको कलम…।
सिर्जना र कलम हेर दुबै मिलेमा
पुर्याउँछ यसले सहजै गन्तव्यमा
बालकदेखि बृद्ध सम्मका हातमा
सुहाउँछ कलम हेर सबका साथमा ।
मात्र दश रुपैयाँको कलम…।
समतामूलक नारा लगाउँछ कलम
अन्यायको विरुद्ध लड्न सिकाउँछ कलम
पहुँच पुगेँ, नपुगेकाको बिचबाट बोल्दै
विचारलाई साझा गर्न सिकाउँछ कलम ।
मात्र दस रुपैयाँको कलम …।
घुसखोरी र भ्रष्टाचारको विरुद्धमा बोल्दै
शक्तिशाली, धनाड्यका पोलसबै खोल्दै
बारम्बार प्रश्नहरु लेखिरहन्छ कलम
पिडकलाई मौन बस्न बाध्य पार्छ कलम ।
मात्र दश रुपैयाँको कलम ….।
कलमको महत्व बुझेँ फाइदा सबलाई हुन्छ
फरक-फरक प्रतिभाले सबको मन छुन्छ
उच्च शिक्षा अध्ययनमा साथ दिन्छ कलम
सबै पेशाको सम्मान गर्न सिकाउँछ कलम ।
मात्र दस रुपैयाँको कलम…।
गैंडाकोट ४, नवलपुर
सामाग्री श्रोत :
