काठमाडौँ । वाशिंगटन पोस्टले अब च्याटजीपीटीलाई आफ्ना लेखहरूको सारांश तयार पार्न लगाउने भएको छ । ओपनएआईले यस अघि नै २० भन्दा बढी अन्य समाचार प्रकाशकहरूसँग साझेदारी गरिसकेको छ ।
वाशिंगटन पोस्ट र ओपनएआईले रणनीतिक साझेदारीको घोषणा गरेका छन्, जसले उच्च-गुणस्तरका समाचारलाई च्याटजीपीटीमार्फत अझ सजिलै उपलब्ध गराउने बताइएको छ ।
ओपनएआईले न्युज कर्प, बिजनेस इन्साइडरको प्यारेन्ट कम्पनी द एसोसिएटेड प्रेस, एक्सेल स्प्रिङ्गर, कन्डे नास्ट, द फाइनान्सियल टाइम्स, फ्युचर र हर्स्ट लगायत कतिपय समाचार प्रकाशकहरूसँग पनि साझेदारी गरेको छ । द भर्जको प्यारेन्ट कम्पनी भोक्स मिडियाले पनि ओपनएआईसँग साझेदारी गरेको छ ।
साझेदारी अनुसार च्याटजीपीटीले सान्दर्भिक प्रश्नहरूको जवाफमा द वाशिंगटन पोस्टका सामग्रीहरूको सारांश, उद्धरण र मूल रिपोर्टिङका लिङ्कहरू देखाउनेछ । वाशिंगटन पोस्टले भनेको छ, “च्याटजीपीटीले राजनीति, विश्व मामिला, व्यापार, प्रविधि लगायतका कुराहरूमा द वाशिंगटन पोस्टको पत्रकारितालाई स्पष्ट पहिचान र पूर्ण लेखहरूको डाइरेक्ट लिङ्कसहित हाइलाइट गर्नेछ । ताकि मानिसहरूले विषयवस्तु गहिरो र विस्तृत रूपमा बुझ्न सकून् ।”
पछिल्लो अध्यावधिक: बैशाख १०, २०८२ १९:४४
सामाग्री श्रोत :
टेक पाना
