काठमाडौँ । चिनियाँ स्मार्टफोन ब्रान्ड भिभोले नेपाली बजारमा ‘वाई’ सिरिज अन्तर्गतको नयाँ स्मार्टफोन ‘भिभो वाई २९’ भित्र्याउने तयारी गरेको छ । एक विज्ञप्ति जारी गर्दै कम्पनीले यही अप्रिलमा नेपाली उपभोक्ताका लागि यो मोडेल उपलब्ध गराउने जानकारी दिएको छ ।
फोनमा ४४ वाट फ्ल्यास चार्ज सुविधासहित ६५०० एमएएच क्षमताको शक्तिशाली ब्याट्री दिइएको छ । एन्टी ड्रप आर्मर डिजाइनमा आउने फोन टिकाउ र बलियो हुने कम्पनीको दाबी छ ।
प्रोसेसरको कुरा गर्दा यसमा क्वालकम स्न्यापड्रागन ६८५ चिपसेट छ भने ८+८ जीबीको विस्तारित र्याम रहेको छ । यसले स्मुथ मल्टिटास्किङ र ल्याग फ्री पर्फर्मेन्स सुनिश्चित गर्ने बताइएको छ ।
५० मेगापिक्सेलको मुख्य क्यामेरा, १२० हर्ज रिफ्रेस रेटसहितको ६.६८ इन्चको डिस्प्ले र ४०० प्रतिशत अडिओ बुस्ट क्षमतायुक्त डुअल स्टेरियो स्पिकरजस्ता विशेषताले यो फोनलाई गेमिङ, स्ट्रिमिङ तथा भिडिओ कलका लागि उपयुक्त बनाउने कम्पनीको दाबी छ ।
नेपाली बजारमा यो फोन नोबल ब्राउन र एलेगेन्ट ह्वाइट कलरमा उपलब्ध हुनेछ । यसको मूल्य भने खुलाइएको छैन ।
पछिल्लो अध्यावधिक: चैत २९, २०८१ १४:५९
सामाग्री श्रोत :
टेक पाना
