काठमाडौं- नेपाल फार्मेसी काउन्सिलले फार्मेसी व्यवसाय अध्ययन गराउने सबै विश्वविद्यालय, प्रतिष्ठान, शैक्षिक संस्था, स्कूल/कलेजहरूसँग पूर्णकालीन शैक्षिक जनशक्तिको विवरण माग गरेको छ।काउन्सिलले सार्वजनिक सूचना जारी गर्दै फार्मेसी शिक्षण संस्थाहरूमा कार्यरत सम्पूर्ण पूर्णकालीन शिक्षक, प्राध्यापकहरुको विवरण अनिवार्य उपलब्ध गराउन भनेको हो।फार्मेसी व्यवसाय अध्ययन गराउने सबै शैक्षिक संस्थाहरुले ३५ दिन भित्र कार्यरत सम्पूर्ण पूर्णकालीन शिक्षक, प्राध्यापकहरुको विवरण परिषद्को कार्यालय वा इमेल मार्फत पेश गर्नुपर्ने कान्सिलका रजिष्ट्रार सन्जिबकुमार पाण्डेयले जानकारी दिए।काउन्सिलले विवरण उपल्बध गराउँदा मुख्य चार कागजपत्रहरु माग गरेका छ। जसमा परिषदद्वारा जारी नाम दर्ता प्रमाणपत्रको प्रतिलिपि (सम्बन्धित फर्मासिष्टको), सम्बन्धित शिक्षक/कर्मचारीको योग्यताको प्रमाणित प्रतिलिपि (शैक्षिक प्रमाणपत्र, अनुभव प्रमाणपत्र), नियुक्ति पत्र र सेवा अवधिको प्रमाणित विवरण र संस्थाको प्रमाणित प्रस्ताव उपलब्ध गराउन भनेको छ।हेरौं सूचना
सामाग्री श्रोत :
swasthyakhabar
