काठमाडौं । निसान मोटर इन्डियाले सन् २०२५ को आर्थिक वर्षमा नयाँ सेभेन-सिटर बी-एमपीभी र फाइभ-सिटर सी-एसयूभी सार्वजनिक गर्ने घोषणा गरेको छ । कम्पनीले आफ्नो भारतीय प्रोडक्ट लाइनअप विस्तार गर्दै तीव्र गतिमा वृद्धि भइरहेको एसयूभी र एमपीभी सेगमेन्टमा नयाँ मोडेलहरू ल्याउन लागेको हो ।
निसानले हालसालै जापानको योकोहामामा सम्पन्न ‘ग्लोबल प्रोडक्ट सोकेस इभेन्ट’मा भारतका लागि लक्षित दुई नयाँ मोडेलहरू प्रदर्शन गरेको थियो । कम्पनीको योजना सन् २०२५ को आर्थिक वर्षभित्र सेभेन-सिटर बी-एमपीभी सार्वजनिक गर्ने र त्यसपछि सन् २०२६ को सुरुवातमा फाइभ-सिटर सी-एसयूभी बजारमा ल्याउने रहेको छ ।
निसानको नयाँ बी-एमपीभीले सी-सेप्ड ग्रिल, मस्कुलर स्टाइलिङ र उच्च आराम प्रदान गर्ने सुविधासहितको डिजाइन प्रस्तुत गर्ने बताइएको छ । यस्तै, फाइभ-सिटर सी-एसयूभी मोडलको डिजाइन निसान पट्रोलबाट प्रेरित गरिएको छ, जसले कम्पनीको विश्वसनीयता, प्रविधि र निर्माणशैलीलाई प्रतिनिधित्व गर्नेछ ।
कम्पनीले हालै दुई ओटा टिजर सार्वजनिक गर्दै दुवै सवारीसाधनको विकास र सार्वजनिक गर्ने समयरेखा स्पष्ट पारेको छ । भारतको बी/सी र डी-सेगमेन्टमा केन्द्रित गर्दै निसानले चार नयाँ मोडेल सार्वजनिक गर्ने योजना बनाएको जनाएको छ ।
नयाँ उत्पादनहरू चेन्नइस्थित अलायन्स जेभी प्लान्टमा स्थानीय रूपमा उत्पादन गरिनेछ । यससँगै कम्पनीले वार्षिक आन्तरिक विक्री तथा निर्यातमा १ लाख इकाईको लक्ष्य हासिल गर्ने दाबी गरेको छ ।
नेपालमा निसान मोटरको आधिकारिक वितरक पायोनियर मोटोकर्पले भारतीय बजारमा आउने नयाँ मोडेलहरू नेपाली बजारमा पनि ल्याउने जनाएको छ । सन् २०१४ मा स्थापना भएको पायोनियर मोटोकर्पले नेपालभर १३ ओटा टचप्वाइन्टमार्फत सेवा दिँदै आएको छ ।
पछिल्लो अध्यावधिक: चैत २२, २०८१ ९:२३
सामाग्री श्रोत :
टेक पाना
