काठमाडौं । गर्मिको मौसम सुरु भइरहेको छ । यो मौसममा सबैभन्दा महत्त्वपूर्ण हुन्छ आफूलाई हाइड्रेट राख्नु अर्थात् शरीरमा पानीको मात्रा पर्याप्त राख्नु । पानी हाम्रो लागि निकै अहम् चिज हो, तर धैरैजसो मानिसहरू समयमा पानी खान बिर्सिने गर्छन् । खासगरी कामकाजी मानिस, जो कार्यालयमा एसीको चिसोमा बस्ने गर्छन् ।
पानी कम खाँदा गर्मीको मौसममा तपाईँको शरीरमा नकारात्मक असर पर्न सक्छ । तर चिन्ता नलिनु होस्, तपाईँलाई पानी खान बिर्सिँदा सम्झाइ दिने काम मोबाइल एपहरूले नै गरिदिन सक्छन् । यस्ता एप डाउनलोड गर्नु भयो भने तपाईँलाई बेला बेलामा पानी पिउने रिमाइन्डर पठाउँछन् । आज हामी तपाईँलाई त्यस्तै केही एपहरूको बारेमा बताउँदै छौँ ।
१. वाटर ड्रिङ्क रिमाइन्डरः (Water Drink Reminder)
वाटर ड्रिङ्क रिमाइन्डर नामको यो एप निकै लोकप्रिय छ । गुगल प्ले स्टोरबाट यो एप डाउनलोड गर्न सक्नु हुन्छ । प्ले स्टोरमा यो एपले रेटिङ पनि राम्रो पाएको छ । एक करोड भन्दा बढी पटक डाउनलोड भइसकेको यो एपले तपाईँलाई एक दिनमा कति पानी पिउन जरुरी छ भन्ने कुरा बताउनेछ ।
यसले तपाईँको तौललाई पनि ट्रयाक गर्छ र त्यसको चार्ट बनाउँछ । यो एपले रिमाइन्डर पठाएर पानी खाने समय भइसकेको कुरा सम्झाउँछ । यसले फोन तथा स्मार्टवाच जस्ता तपाईँको फोनका कनेक्ट भएका डिभाइसमै रिमाइन्डर पठाउन सक्छ ।
२. वाटर रिमाइन्डर-रिमाइन्ड ट्रिङ्क (Water Reminder – Remind Drink)
वाटर रिमाइन्डर-रिमाइन्ड ड्रिङ्क नामक अर्को एप पनि यो मामिलामा लोकप्रिय छ । प्ले स्टोरमा राम्रो रेटिङ पाएको यो एप एक करोडभन्दा बढी पल्ट डाउनलोड भइसकेको छ । यो एपले पनि तपाईँलाई पानी खानका लागि स्मार्ट रिमाइन्डर पठाउन सक्छ । तपाईँले यसमा आफ्नो कप रोज्न पाउनु हुन्छ ।
एपमा दैनिक लक्ष्य तय गर्न सकिन्छ । तपाईँले कति पानी खानु भयो, त्यसको रेकर्ड पनि एपमा सुरक्षित रहन्छ । यो एपले तपाईँको शरीरमा पानीको मात्रा पर्याप्त छ कि छैन भन्ने कुराको हिसाबकिताब गर्ने विकल्प पनि उपलब्ध गराउँछ । रातीको समयमा यो एपलाई साइलेन्ट राख्न सकिन्छ ।
३. माई वाटर रिमाइन्डरः ड्रिङ्क वाटर (My Water Reminder: Drink Water)
माई वाटर रमाइन्डरः ड्रिङ्क वाटर एप प्रयोग गर्न निकै सरल छ । गुगल प्ले स्टोरमा उपलब्ध यो एप अहिलेसम्म १० लाख पल्ट डाउनलोड भएको छ । रिभ्यु सेक्सन हेर्ने हो भने धेरै मानिसले यो एप प्रयोग गर्न सजिलो भएको कमेन्ट गरेका छन् ।
यो एपमा पनि रिमाइन्डर सेट गर्न सकिन्छ । एकपल्ट तपाईँ कति पानी खान चाहनु हुन्छ, त्यसको सीमा पनि राख्न सकिन्छ । एपले तपाईँलाई दैनिक लक्ष्य कति पुरा भयो भन्ने कुरा बताउँछ । एपमा रहेको हिस्ट्रीमा तपाईँको शरीरमा पर्याप्त पानी पुगिरहेको छ कि छैन भन्ने कुरा पनि हेर्न सकिन्छ ।
५. ड्रिङ्क वाटर रिमाइन्डर (Drink Water Reminder)
ड्रिङ्क वाटर रिमाइन्डर एप पनि प्ले स्टोरमा १० लाख पल्ट डाउनलोड भएको छ । प्ले स्टोरमा रिभ्यु हेर्ने हो भने यसले राम्रो रेटिङ पाएको देखिन्छ । यो एपमा पनि पानी पिउने टार्गेट राख्न सकिन्छ । तपाईँ यसमा आफ्नो कपलाई कस्टमाइज गर्न पाउनु हुन्छ ।
एपले तपाईँले कति तौल घटाउनु भयो भन्ने कुरा ट्रयाक गर्ने विकल्प पनि दिन्छ । यसको युजर इन्टरफेस हेर्ने हो भने सफा देखिन्छ । यसलाई प्रयोग गर्न पनि सजिलो छ । त्यसो त तपाईँले गुगल प्ले स्टोरमा गएर यी एपका अन्य विकल्पहरू पनि खोज्न सक्नु हुन्छ ।
पछिल्लो अध्यावधिक: चैत २१, २०८१ १०:४४
सामाग्री श्रोत :
टेक पाना
