काठमाडौं। ऊर्जा, जलस्रोत तथा सिँचाइ मन्त्री दीपक खड्काले मुलुकको अर्थतन्त्र सुदृढ बनाउन सरकार र निजी क्षेत्रबीच हातेमालो आवश्यक रहेको बताएका छन्। कर्पोरेट नेपालको ११औँ वार्षिकोत्सवका अवसरमा आज यहाँ आयोजित कार्यक्रमलाई सम्बोधन गर्दै उनले मुलुकको समृद्धिका लागि सरकारले नीतिगत सुधार गरिरहेको स्पष्ट पारे।

सरकारले आगामी १० वर्षमा २८ हजार पाँच सय मेगावाट विद्युत् उत्पादन गर्ने लक्ष्य लिएको जानकारी दिँदै ऊर्जामन्त्री खड्काले उक्त लक्ष्य कार्यान्वयनको चरणमा अर्थतन्त्रको समग्र पक्ष चलायमान हुँदै जाने विश्वास व्यक्त गरे। ऊर्जा क्षेत्रको विकासबाट चाँडै समृद्धि हासिल गर्न सकिने उनको भनाइ थियो।

सरकार अर्थतन्त्रको विकासमा देखिएका व्यवधान हटाउँदै अघि बढिरहेको जानकारी दिँदै मन्त्री खड्काले मुलुकमा केही हुँदैन भन्ने भाष्य सबै मिलेर चिर्नुपर्नेमा जोड दिए।

राष्ट्रिय योजना आयोगका उपाध्यक्ष प्राडा शिवराज अधिकारीले अर्थतन्त्र रुपान्तरणको योजना साथ आयोग अगाडि बढिरहेको जानकारी दिए। सो अवसरमा मन्त्री खड्काले ‘कर्पोरेट म्यागेजिन’ लोकार्पण गरेका थिए।

काठमाडौं । नेपाल सुपर लिग (एनएसएल) सिजन ३ को अवसरमा एनसेलले दुई नयाँ अफर सार्वजनिक गरेको छ । यी अफर अन्तर्गत ग्राहकले दोब्बर डेटा तथा बोनस सेवाहरू प्राप्त गर्न सक्नेछन् । अफर बिहीबार (चैत्र २१) देखि लागू भई वैशाख १६ सम्म मान्य रहनेछ ।

एनएसएल डबल डेटा अफरअन्तर्गत रु. ३९९ वा सोभन्दा माथिको सधैं अन रिन्युअल प्याक लिने ग्राहकले दोब्बर डेटा बोनसका रूपमा पाउनेछन् । उदाहरणका लागि, रु. ७९९ को मासिक रिन्युअल प्याक लिने ग्राहकले ३० जीबी डेटा, सबै नेटवर्कमा अनलिमिटेड कल, ७९ ओटा एसएमएसका साथै थप ३० जीबी बोनस डेटा प्राप्त गर्नेछन् । बोनस डेटा पहिले प्रयोग हुने भएकाले मुख्य डेटा सर्भिस क्यारीओभर सुविधासहित उपलब्ध हुनेछ ।

हाल एनसेलले सधैं अन रिन्युअल योजनामा डेटा, भ्वाइस र एसएमएस सेवाहरू समावेश भएका ६ ओटा मासिक प्याकहरू प्रदान गरिरहेको छ । करसहित रु. ७९९, रु. ९९९, र रु. १,४९९ को प्याकमा ३० दिनसम्म प्रतिदिन रु. १,००० का दरले अधिकतम रु. १०,००० सम्मको अस्पताल भर्ना बीमा सुविधा पनि समावेश गरिएको छ ।

एनसेल एपमा मात्र उपलब्ध एनएसएल फ्ल्यास सेलअन्तर्गत रु. ५० मा २४ घण्टाका लागि अनलिमिटेड डेटा खरिद गर्दा २० मिनेटको टक टाइम बोनस प्रदान गरिनेछ । त्यस्तै, रु. १५० मा ७ दिनसम्म मान्य ७ जीबी डबल मजा प्याक खरिद गर्दा २ जीबी बोनस डेटा प्राप्त गर्न सकिने कम्पनीले जनाएको छ ।

नेपालकै पहिलो फ्रेन्चाइज फुटबल प्रतियोगिताको यस संस्करणमा एनएसएल शीर्ष प्रायोजकसमेत रहेको छ ।

पछिल्लो अध्यावधिक: चैत २१, २०८१ २२:४३

गोरखा–जिल्लाको हुलाक कार्यालयमातहत रहेका अतिरिक्त हुलाक कार्यालय बन्द भएका छन् । 

चिठी आदानप्रदान कम हुन थालेपछि २१ वटा कार्यालय बन्द गरिएको हो । यसअघि जिल्लामा कूल ५६ अतिरिक्त हुलाक कार्यालय थिए । 

सरकारको निर्णयअनुसार उक्त कार्यालय खारेज गरिएको कार्यालयका सूचना अधिकारी नगेन्द्र आलेमगरले बताए । ‘सरकारले गतवर्ष प्रस्तुत गरेको बजेटमा अतिरिक्त हुलाक कार्यालय खारेज गर्ने निर्णय गरेको थियो’, उनेले भने, ‘सोहीबमोजिम जिल्लामा अतिरिक्त कार्यालय बन्द भएका हुन् ।’ त्यहाँ कार्यरत कर्मचारीलाई गत साउनमा नै सेवा सुविधा दिएर घर पठाइएको उहाँले जानकारी दिनुभयो । 

एउटा इलाका हुलाक कार्यालय बन्द गरिएको छ । ‘जिल्लाभर १२ वटा इलाका हुलाक कार्यालय थिए’, मगरले भने, ‘एक स्थानीय तह, एक इलाका हुलाक कार्यालय कार्यक्रम लागू भएसँगै एउटा कार्यालय बन्द गरिएको हो ।’ जिल्लामा हाल ११ वटा मात्र इलाका हुलाक कार्यालय र २५ वटा अतिरिक्त हुलाक कार्यालय रहेको उनले जानकारी दिए ।  

ती कार्यालयले हुलाकमार्फत आउने चिठी पत्र गाउँघरमा लैजाने काम गर्थे । तर पछिल्लो समय प्रविधिमा भएको विकासले चिठी आदानप्रदानको सङ्ख्या घट्दो छ । व्यक्तिगत चिठीपत्र तथा सामग्री निकै कम मात्रामा आउने गरेको कार्यालयले जनाएको छ । चालु आर्थिक वर्ष २०८१/८२ को फागुन मसान्तसम्म कार्यालयमा १२ हजार सात सय ६५ वटा चिठीपत्र आदानप्रदान भएका छन् ।

जसमध्ये करिब ८० प्रतिशत चिठी सरकारी कार्यालयका छन् । बाँकी २० प्रतिशत भने व्यक्तिगत रहेको सूचना अधिकारी मगरले बताए । ‘व्यक्तिगतअन्तर्गत धेरैजसो बैंक तथा वित्तीय संस्थाहरुको चिठीहरु नै हुन्छन्’,  उनले भने । 

कार्यालयको तथ्याङ्कअनुसार गत आव व्यक्तिगत र सरकारी गरी कुल २२ हजार दुई सय ३० वटा चिठीपत्र आदानप्रदान भएका थिए । आव २०७९/८० मा १७ हजार ४९ र २०७८/७९ मा १६ हजार ३४ वटा चिठीपत्र आदानप्रदान भएsf कार्यालयले जनाएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

बागमती। मकवानपुरको भीमफेदी गाउँपालिका–१ नयाँ गाउँस्थित सामुदायिक वनमा लागेको डढेलोमा जलेर आज एक जनाको मृत्यु भएको छ। मृत्यु हुनेमा स्थानीय ४९ वर्षीय अकिलबहादुर पाख्रिन रहेको जिल्ला प्रहरी कार्यालय मकवानपुरले जनाएको छ।

घर नजिकै रहेको बोकेदह सामुदायिक लागेको डढेलो गाईगोठमा आयो कि भनेर श्रीमती र दाजुसहित गएराति उनी बारीमा गएका थिए। बारी छेउको भिरबाट लडेर पाख्रिन बेपत्ता भएको र खोजतलाश गर्ने क्रममा आज भोर्लाको लहरामा अड्किएको र डढेलोमा जलेर मृत्यु भएको अवस्थामा फेला परेको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक श्यामु अर्यालले जानकारी दिए।

मृतकको शव परीक्षणका लागि हेटौँडा अस्पताल ल्याइएको र घटनाबारे थप अनुसन्धान भइरहेको प्रहरी नायब उपरीक्षक अर्यालले बताए।

काठमाडौं । नेपाल दूरसञ्चार प्राधिकरणले २०२५ भित्रै नेपाली उपभोक्ताले फाइभजी सेवा प्रयोग गर्न सक्ने जनाएको छ । काठमाडौंमा जारी एसिया प्यासिफिक टेलिकम्युनिटी वायरलेस ग्रुप (एडब्लूजी) को बैठकमा बोल्दै प्राधिकरणका उपनिर्देशक एवम् सह-प्रवक्ता प्रदीप पौडेलले अंग्रेजी वर्ष २०२५ भित्रै फाइभजी सञ्चालनको योजना रहेको जानकारी दिए ।

उनका अनुसार पहिलो चरणमा काठमाडौं उपत्यकामा फाइभजी सेवा सुरु गर्ने तयारी भइरहेको छ । यसका लागि आवश्यक पूर्वाधार विकास र सेवा प्रदायक कम्पनीहरूसँग छलफल भइरहेको उनले बताए ।

फोरजी सेवाको लागतले सेवाप्रदायकको आम्दानी घटिरहेको सन्दर्भमा फाइभजीका लागि प्राधिकरणले नै सहजीकरण गर्ने प्रयास गरिरहेको उनले सुनाए । यदि आवश्यक परेमा ग्रामीण दूरसञ्चार विकास कोष (आरटीडीएफ) को रकमसमेत परिचालन गर्न सकिने उनको भनाइ थियो ।

यसअघि, नेपाल टेलिकमले देशका केही स्थानमा फाइभजी परीक्षण गरेको थियो । यसका लागि टेलिकमलाई २६ सय ब्यान्डमा ६० मेगाहर्ज फ्रिक्वेन्सी उपलब्ध गराइएको छ । यस अन्तर्गत कम्पनीले बबरमहल, सुन्धारा, पोखरा, वीरगन्ज लगायतमा फाइभजी उपकरणहरू जडान गरी परीक्षण कार्य पूरा गरेको छ । 

मोबाइल प्रविधिको पछिल्लो पुस्ता मानिने फाइभजी सेवा विश्वका विभिन्न देशमा लागु भइसकेको छ । यसले वर्तमान मोबाइल सेवाको तुलनामा उच्च गतिको इन्टरनेट र प्रभावकारी नेटवर्क सुविधा दिने बताइन्छ ।

नेपालमा फाइभजी स्पेक्ट्रमका लागि सेवाप्रदायक माग्न आए आफूहरू उपलब्ध गराउन तयार रहेको प्राधिकरणले बताउँदै आएको छ । 

पछिल्लो अध्यावधिक: चैत २१, २०८१ १३:१९

काठमाडौं– मकवानपुरको भीमफेदी गाउँपालिका–१ नयाँ गाउँस्थित सामुदायिक वनमा लागेको डढेलोमा जलेर आज एक जनाको मृत्यु भएको छ।

मृत्यु हुनेमा स्थानीय ४९ वर्षीय अकिलबहादुर पाख्रिन रहेको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक श्यामु अर्यालले जानकारी दिएका हुन्।

अर्यालका अनुसार घर नजिकै रहेको बोकेदह सामुदायिक लागेको डढेलो गाईगोठमा आयो कि भनेर श्रीमती र दाजुसहित गएराति उनी बारीमा गएका थिए।

बारी छेउको भिरबाट लडेर पाख्रिन बेपत्ता भएको र खोजतलाश गर्ने क्रममा आज भोर्लाको लहरामा अड्किएको र डढेलोमा जलेर मृत्यु भएको अवस्थामा फेला परेको

मृतकको शव परीक्षणका लागि हेटौँडा अस्पताल ल्याइएको र घटनाबारे थप अनुसन्धान भइरहेको प्रहरी नायब उपरीक्षक अर्यालले बताएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

काठमाडौं। राप्रपा नेपालका अध्यक्ष कमल थापाले गत चैत्र १५ गते तिनकुने घटनाको जिम्मा नेपाल सरकारले लिनुपर्ने र रविन्द्र मिश्र र धवल शमसेर राणा लगायतका व्यक्तिहरुलाई थुनामा राख्नु आपत्तिजनक भएको बताएका छन्।

आज पार्टीका प्रवक्ता स्वर्गीय वसन्तमान सिंह अधिकारिको १३ औ दिनको पुन्यतिथिमा आयोजित श्रद्धाञ्जली सभामा बोल्दै थापाले हिन्दु राष्ट्रको मान्यता र राजसंस्थासहितको प्रजातन्त्रको लागि राष्ट्रवादीहरु एक ठाउँमा उभिनुको विकल्प नरहेको बताएका छन्।

थापाले अहिले गणतन्त्रवादीहरुले राजालाई बदनाम गरी झुटा आरोप लगाउँदा आफ्नो विचारको प्रतिरक्षाको निम्ति एकठाउँमा उभिनुपर्ने बताएका हुन्।

उनले भने, ‘म देशभरका राष्ट्रवादी साथीहरुलाई आग्रह गर्न चाहन्छु अहिले जसरी राजालाई बदनाम गर्ने, झुटा आरोप लगाउने, हिन्दु राष्ट्रको मान्यता र राजसंस्थासहितको प्रजातन्त्रको विचारलाई निषेध गर्ने, समाम्त पार्ने जुन प्रयास भइरहेको छ त्यसबाट सजक भएर आफ्नो आस्था र विचारको प्रतिरक्षाको निमित सबै राष्ट्रवादीहरु एकठाउँमा उभिनु बाहेक अर्को विकल्प छैन।’

उनले अहिले आफ्ना सानातिना मतभेद, स्वार्थको कारणले एक ठाउँमा आएर आफ्नो आस्थाको प्रतिरक्षा नगरे भविष्यमा पछुताउनुपर्ने बताए। अध्यक्ष थापाले गणतन्त्रवादीहरुले चाहे अनुसार भयो भने पद र दल मात्र होइन वैचारिक अस्तित्व नै संकटमा पर्ने पनि बताए।

‘हाम्रो विचारलाई, राजालाई बदनाम गर्न खोजिरहेका छन्। कसरी हिन्दु राष्ट्रको मान्यता र राजसंस्थालाई भ्रमपुर्ण ढंगबाट कमजोर बनाउन खोजिरहेका छन्। यदि उनीहरुले चाहे अनुसार अविस्ट पुरा भयो भने हाम्रो पद र दल मात्र होइन हाम्रो वैचारिक अस्तित्व नै संकटमा पर्छ,’ उनले भने।

कार्यक्रममा राप्रपाका नेता डाक्टर प्रकाशचन्द्र लोहनी र बिक्रम पाण्डेले बिचार मिल्ने सबै एकै ठाउँमा आएर परिबर्तनको लागि आन्दोलनमा जानुपर्नेमा जोड दिएका छन्। कार्यक्रममा राजाराम बर्तौला, जगत गौचन, सुमनमान सिंह अधिकारी, अन्जना रावलले पनि बोलेका थिए।

काठमाडौं । डिजिटल शैक्षिक प्लेटफर्म एम्बिसन गुरुले जापानी भाषा कक्षामा १० प्रतिशत छुट दिने भएको छ  । यो छुट पाउनका लागि टेकपानाको प्रोमो कोड प्रयोग गर्नुपर्नेछ ।

यसका लागि एम्बिसन गुरुको एपमा गएर ‘Japanese Language’ जापानी भाषाको कोर्स छान्नुहोस्  । ‘Payment details’ मा भएको ‘add promo code option’ मा जानुहोस् र ‘Techpana टाइप’ गरी ‘Apply’ मा ट्याप गर्नुहोस् । अब तपाईँले १० प्रतिशत छुट पाउनुहुनेछ ।

यो कोर्समा लाइभ कक्षा, रेकर्ड गरिएको अडिओ भिडिओ, नोटहरू र अन्य सामग्रीहरू उपलब्ध छन् । तपाईंले ‘Ask Guru’ मार्फत शिक्षकलाई सिधै प्रश्नहरू सोध्न सक्नुहुन्छ ।

यसका साथै, तपाईंको क्षमता परीक्षण गर्न परीक्षा, पुस्तकहरू, विज्ञहरूको प्रतिक्रिया र राम्रो मार्गदर्शन पनि एम्बिसन गुरुले दिनेछ । घरमै बसेर जापानी भाषा परीक्षा पास गर्न सक्ने गरी पढ्न पाइने एम्बिसन गुरुले जनाएको छ ।

पछिल्लो अध्यावधिक: चैत २१, २०८१ १८:११

काठमाडौं –प्रधानमन्त्रीको समेत जिम्मेवारी सम्हालेका उपप्रधानमन्त्री तथा सहरी विकासमन्त्री प्रकाशमान सिंहले जाजरकोट भूकम्पबाट प्रभावित जिल्लाका नागरिकका निजी आवासको विस्तृत क्षति आँकलन कार्य प्रभावकारी बनाउन निर्देशन दिएका छन्।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख ई. दिनेश भट्टले आज सिंहदरबारमा गरेको भेटका क्रममा उपप्रधानमन्त्री सिंहले त्यसका लागि मन्त्रालयबाट आवश्यक सहयोग रहने स्पष्ट पारे।

भेटका अवसरमा उनीहरुबीच जाजरकोट भूकम्पबाट प्रभावित जिल्लाका निजी आवाबयो।

सो अवसरमा कार्यकारी प्रमुख भट्टले मन्त्रालयबाट क्षति आँकलनका लागि खटिएका प्राविधिकको म्याद थप गरिदिन तथा अन्य प्राविधिक जनशक्ति थप गरिदिन उपप्रधानमन्त्री सिंह समक्ष आग्रह गरे।

उपप्रधानमन्त्री सिंहले क्षति आँकलनमा खटिएका प्राविधिकको म्याद थपिने आश्वासन दिएको कार्यकारी प्रमुख भट्टले जानकारी दिए। 

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।