२०८१ चैत्र २३ शनिबार
२०८१ चैत्र २३ शनिबार

आईओएस १९ सँगै ‘एआई डाक्टर’ ल्याउँदै एप्पल, यस्ता हुनेछन् स्वास्थ्य सुविधा

काठमाडौं । एप्पलले आफ्नो नयाँ अपरेटिङ सिस्टम आईओएस १९ मा एआई-डाक्टर फिचर ल्याउने तयारी गरेको छ । प्रयोगकर्ताको फिटनेस, खानपान र समग्र स्वास्थ्य सुधारका लागि सुझाव दिनेगरी कम्पनीले यस्तो एप ल्याउन लागेको हो । 

ब्लुमबर्गका पत्रकार मार्क गुरम्यानले आफ्नो पावर अन न्युजलेटर एप्पलले एआई डाक्टर सुइटमा काम गरिरहेको जानकारी दिए । उनका अनुसार यो परियोजनालाई ‘प्रोजेक्ट मलबेरी’ नाम दिइएको छ ।

जसअन्तर्गत व्यक्तिगत स्वास्थ्य सुझाव, खाना ट्र्याकिङ, एआई हेल्थ कोच जस्ता विशेष सुविधा दिने गुरम्यानले उल्लेख गरेका छन् । व्यक्तिगत स्वास्थ्य सुझाव अन्तर्गत यो एपले प्रयोगकर्ताको फिटनेस, खानपान र समग्र स्वास्थ्य सुधार गर्न मद्दत गर्नेछ । त्यस्तै एपबाटै खानपानको निगरानी गरी पोषण सम्बन्धी जानकारी प्राप्त गर्न सकिनेछ । 

यपको मुख्य विशेषताका रूपमा रहेको एआई हेल्थ कोचले वास्तविक डाक्टरको जस्तै काम गर्ने दाबी गरिएको छ । यसका लागि आईफोन, एप्पल वाच र अन्य हेल्थ-मनिटरिङ डिभाइसहरूको डेटा स्क्यान गरी मसिन लर्निङको माध्यमबाट स्वास्थ्य सुझाव प्रदान गरिनेछ । 

आगामी जुनमा हुने डब्लूडब्लूडीसीमा एप्पलले आईओएस १९ घोषणा गर्दैछ । 

एप्पलले एप्पल वाच र एयरपड्स जस्ता आफ्नो वेरेबल डिभाइसलाई ईसीजी निगरानीदेखि लिएर लडेको पत्ता लगाउनेसम्मका टुल ल्याइएको छ । ब्लुमबर्गले दाबी गरेअनुसार एप्पलले एआई डाक्टर फिचर ल्याए स्वास्थ्य प्रविधि क्षेत्रमा नयाँ परिवर्तन ल्याउने विश्लेषण गरिएको छ । 

एआईले दिने सल्लाहहरू विश्वसनीय र वैज्ञानिक रूपमा सही हुने सुनिश्चित गर्न एप्पलले स्वास्थ्य विशेषज्ञहरूसँग सहकार्य गरेको छ । कम्पनीले यो फिचरलाई ‘हेल्थ प्लस’ नाम दिने सम्भावना छ । तर यो सशुल्क हुने हो वा निःशुल्क भन्नेबारे अझै स्पष्ट भएको छैन ।

पछिल्लो अध्यावधिक: चैत १८, २०८१ १४:१४





सामाग्री श्रोत :
टेक पाना

छुटाउनुभयो कि ?

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।

ताजा अपडेट