काठमाडौं- एमबिबीएस पूरा गरी धुलिखेल अस्पतालमा इन्टर्नसिप गरिरहेका सार्थक गौतमको क्यान्सर उपचारका लागि सहयोग अपिल गरिएको छ। क्राउड फन्डिङ अनलाइन पोर्टल ‘गोफन्डमी’बाट सहयोग अपिल गरिएको हो। सार्थकलाई एक्युट टी-लिम्फोब्लास्टिक लिम्फोमा भएको बताइएको छ। जुन न हड्किन्स लिम्फोमाहरुमा एक दुर्लभ र आक्रामक प्रकारको रहेको बुझिएको छ।अरुको जीवन जोगाउने यात्रामा रहेका उनी आफैंले अप्रत्याशित रुपमा उक्त क्यान्सरबाट गुज्रिनु परेको र जसको उपचारक लागि धेरै खर्च लाग्ने भएकाले सहयोगको अपिल गरिएको बताइएको छ। ‘उनीसँग यस रोगसँग लड्ने साहस र दृढ संकल्प भए तापनि यो लडाइँ सजिलो छैन। सार्थकलाई विदेशमा उपलब्ध उन्नत उपचार आवश्यक छ, जसमा खर्च अत्यन्त धेरै हुन्छ,’ अपिलका क्रममा भनिएको छ, ‘हामी उनलाई आवश्यक उपचार दिलाउन कोष संकलन गरिरहेका छौं। तपाईंको सानो वा ठूलो सहयोगले सार्थकको जीवनमा ठूलो परिवर्तन ल्याउन सक्छ।’हाललाई ४ हजार अमेरिकी डलर संकलन गर्ने लक्ष्य लिइएको छ।
सामाग्री श्रोत :
swasthyakhabar
