काठमाडौं । आईफोन प्रयोगकर्ता हुनुहुन्छ भने एउटा राम्रो खबर छ । अब तपाईँले आईफोनको एप आइकनहरूलाई आफ्नो रुचि अनुसार परिवर्तन गर्न सक्नुहुन्छ ।
हालै एप्पलले सबै प्रयोगकर्ताका लागि यस्तो फिचर थप गरेको हो । यो सुविधाले फोनको होम स्क्रिनलाई अझ आकर्षक र पर्सनलाइज बनाउन मद्दत गर्ने एप्पलको विश्वास छ ।
पुराना र परम्परागत आइकनहरू हेर्दा दिक्क लाग्छ भने अब मनपर्ने फोटो वा डिजाइनलाई एप आइकनको रूपमा प्रयोग गर्न सकिने कम्पनीले जनाएको छ ।
यस्तो छ प्रक्रिया
– सबैभन्दा पहिले सर्टकट एपमा जानुहोस् ।
– स्क्रिनको माथिपट्टि दायाँतिर भएको प्लस (+) आइकनमा ट्याप गर्नुहोस् ।
– स्क्रिनको तल देखिएको ओपन एपमा ट्याप गर्नुहोस् ।
– मधुरो निलो रंग भएको एपमा ट्याप गर्नुहोस् ।
– आफूले आइकन परिवर्तन गर्न चाहेको एपमा ट्याप गर्नुहोस् ।
– स्क्रिनको सबैभन्दा माथि ओपन एपको छेउतिर भएको ड्रप डाउन (˅) आइकनमा ट्याप गर्नुहोस् ।
– अब एड टु होम स्क्रिनमा ट्याप गर्नुहोस् ।
– स्क्रिनको बायाँतिर भएको ग्यालरी आइकनमा ट्याप गर्नुहोस् ।
– अब चुज फोटो अप्सनमा ट्याप गर्नुहोस् ।
– आफूले चाहेको फोटोमा ट्याप गर्नुहोस् ।
– यसपछि फोटो क्रप गर्ने अप्सन आउँछ । आफूले चाहेजस्तो फोटो क्रप गरेर चुजमा ट्याप गर्नुहोस् ।
– अब स्क्रिनको सबैभन्दा माथि दायाँतिर भएको एड अप्सनमा ट्याप गर्नुहोस् ।
– अब होमस्क्रिनमा जानुहोस् । यहाँ तपाईँले आफ्नो नयाँ आइकन सहितको एप देख्न सक्नुहुन्छ ।
पछिल्लो अध्यावधिक: चैत १५, २०८१ ८:३०
सामाग्री श्रोत :
टेक पाना
