रूपन्देही । रूपन्देहीमा ट्याक्टरको ठक्करबाट स्कुटर चालकको मृत्यु भएको छ।
मृत्यु हुनेमा तिलोत्तमा नगरपालिका-५ बस्ने ३५ वर्षीय राजन अर्याल रहेका छन्। दुर्घटनामा गम्भीर घाइते भएका उनको क्रिमशन हस्पिटल मणिग्राममा उपचारको क्रममा मृत्यु भएको प्रहरीले जनाएको छ।
शुद्धोधन गाउँपालिका-३ बेतानीस्थित सडकमा लु३त ६३२२ नम्बरको ट्याक्टरले लु४१प ७५९६ नम्बरको स्कुटरलाई बुधबार बिहान ठक्कर दिएको थियो।
साथै दुर्घटनामा घाइते भएका स्कुटरमा सवार एक जनाको सोही अस्पतालमा उपचार भइरहेको छ जिल्ला प्रहरी कार्यालय रूपन्देहीले जनाएको छ। प्रहरीले ट्याक्टर चालकलाई नियन्त्रणमा लिएको छ।
सामाग्री श्रोत :
