काठमाडौं–स्वास्थ्य बीमा बोर्डका अध्यक्ष चन्द्रबहादुर थापाले पदबहाली गरेका छन्। उनले बुधबार दिउसो बबरमहलस्थित स्वास्थ्य बीमा बोर्डको कार्यालयमा पुगेर पदबहाली गरेका हुन्। 

स्वास्थ्य तथा जनसंख्या मन्त्री प्रदीप पौडेलले गत सोमबार रिक्त अध्यक्ष पदमा थापालाई चार वर्षका लागि नियुक्त गरेका हुन्। थापाले मंगलबार नै पद तथा गोपनियताको सपथ लिएका थिए। थापाले यसअघि बोर्ड सदस्यको रुपमा तीन वर्ष काम गरेका थिए।  

उनले पदवहालीसँगै स्वास्थ्य बीमा थप प्रभावकारी बनाउन आफू लागिपर्ने बताए। यसअघि बोर्ड सदस्यका रुपमा रहँदा महशुस गरेका विषयबाट त्यसको सुरुवात गर्ने उनको भनाइ छ। 

उनले स्वास्थ्य बीमा कार्यक्रम सफल बनाउन औपचारिक क्षेत्रलाई समेट्नुपर्नेमा जोड दिए। उनले भने,  ‘स्वास्थ्य बीमा सफल भएका देशमा औपचारिक क्षेत्रबाट सुरु भएको छ। तर हामीकहाँ उल्टो जस्तो भयो।अनौपचारिक क्षेत्रबाट यो कार्यक्रम सुरु गरियो।’  

स्वास्थ्यमा छरिएका कार्यक्रमलाई एकद्वारा नीतिबाट अघि बढाउने उनले उल्लेख गरे। बीमा कार्यक्रम अहिले समस्याग्रस्त रहनुमा आर्थिक एउटा पक्ष रहेको बताए। आर्थिक दीगोपनाका लागि सक्रिय हुने उल्लेख गरे। जनशक्ति व्यवस्थापन र डिजिटलाइजेसनमा पनि जोड दिनुपर्ने उनलदे बताएका छन्। 

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

काठमाडौं। इण्डियन प्रिमियर लिग(आईपीएल)मा कोलकत्ता नाइट राइडर्सले पहिलो जित हासिल गरेको छ। बुधबार भएको खेलमा राजस्थान रोयाल्सलाई ८ विकेटले हराउँदै कोलकत्ता विजयी भएको हो।

कोलकत्ता आफ्नो पहिलो खेलमा बैंगलुरुसँग पराजित भएको थियो। राजस्थानको भने यो लगातार दोस्रो हार हो। राजस्थान पहिलाृे खलेमा हैदराबादसँग पराजित भएको थियो।

राजस्थानले दिएको एक सय ५२ रनको लक्ष्य कोलकत्ताले १७.३ अ‍ोभरमा २ विकेट गुमाएर पुरा गर्‍यो। कोलकत्ताको जितमा ओपनर क्विन्टन डि ककले शानदार ब्याटिङ गरे। उनले ६१ बलमा ८ चौका र ६ छक्का प्रहार गर्दै ९७ रनमा अविजित रहे। यस्तै अंगक्रिश रघुवंशीले २२ तथा कप्तान अजिंख्य रहाणेले १८ रन बनाए।

यसअघि टस हारेर पहिला ब्याटिङको निम्तो पाएको राजस्थानले निर्धारित २० ओभरमा ९ विकेट गुमाएर एक सय ५१ रन बनाएको थियो।

राजस्थानका ध्रुव जुरेलले सर्वाधिक ३३ रन बनाए। यस्तै यशस्वी जैसवालले २९ रन बनाउँदा कप्तान रियान परागले २५ तथा जोफ्रा आर्चरले १६ रन बनाए।

कोलकत्ताका वैभव अरोरा, हर्षित राणा, मोइन अली र वरुण चक्रवर्तीले समान दुई दुई विकेट लिए।

म्याग्दी– क्षमताभन्दा बढी तौलका मालबाहक सवारीसाधन गुडाउँदा बेनी–जोमसोम–कोरला सडकका बेलिब्रिज जोखिममा परेका छन्। बढी तौलका सवारी साधन गुडाउँदा बेलिब्रिज जीर्ण भएको र दुर्घटनाको जोखिमसमेत बढेको छ।  

बेलिब्रिजमा क्षति हुँदा अन्तरदेशीय व्यापारिक कोरलानाका जोड्ने सडकमा यातायात ठप्प हुन्छ। भारबहन क्षमता अधिकतम १८ मेट्रिकटन रहेको बेलिब्रिज बेनी–जोमसोम खण्डअन्तर्गत म्याग्दीको अन्नपूर्ण गाउँपालिका–२ भुरुङ खोला, वडा नं ३ दानाको रुप्सेखोला, बेनी र पर्वतको बगरफाँटको सिमाना कालीगण्डकी, मुस्ताङको कोवाङ, बोक्सी र टुकुचेको थापाखोलामा रहेका छन्। 

एक पटकमा एउटा मात्र सवारी साधन तार्न मिल्ने बताउँदै निर्माण र खाद्य सामग्री बोकेका १८ मेट्रिकटनभन्दा बढी तौल भएका ट्रक, टिपर, लरी, टेलर बेलिब्रिजबाट तारिँदा भाँचिने र भत्किने जोखिम बढेको जिल्ला ट्राफिक प्रहरी कार्यालयका प्रमुख राजकुमार केसीले बताए।

क्षमताभन्दा बढी तौलका सवारीसाधन बेलिब्रिजबाट गुडाउँदा दुर्घटनाको जोखिम बढेकाले निगरानी थालिएको जानकारी दिँदै उनले, ‘भार थाम्न नसकेर बेलिब्रिज भाँचिने र भत्किने जोखिम बढेपछि केही दिनदेखि म्याग्दीबाट मुस्ताङ जाने सवारी साधनलाई पोखरेबगर र मुस्ताङबाट बेनीतर्फ आउने बेलिब्रिजको क्षमताभन्दा बढी तौलका सवारी साधनलाई जोमसोममै रोक्न थालेको बताए। 

स्तरोन्नतिको क्रममा रहेको बेनी–जोमसोम–कोरला सडकका पक्की पुल निर्माण नभएका ठाउँमा अस्थायी रूपमा सवारी साधन आवतजावतका लागि बेलिब्रिज जडान गरिएको छ। बेनी–जोमसोम–कोरला आयोजनाले बेलिब्रिजहरूमा क्षमताभन्दा बढी तौलका सवारीसधान सञ्चालन नगर्न आवश्यक जानकारीसहित सूचना बोर्ड राखिएको जनाएको छ। 

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

काठमाडौं। जर्मनीको भ्रमणमा रहेका वन तथा वातावरणमन्त्री ऐनबहादुर शाही ठकुरीले विभिन्न उच्चस्तरीय भेटवार्ता गरेका छन्।

बर्लिनमा आयोजित पिटर्सवर्ग जलवायु संवादमा सहभागी हुन त्यहाँ पुग्नुभएका उहाँले सो अवसरमा आज जर्मनीका संघीय विदेशमन्त्री अन्नालेना बेयरबोक, ब्राजिलका कोप–३० का प्रमुख आन्द्रे कोर्रिया दो लागो, संयुक्त राष्ट्रसंघका महासचिवका जलवायु विशेष सल्लाहकार सेल्विन हार्ट, संयुक्त राष्ट्रसंघ जलवायु परिवर्तन सचिवालयका कार्यकारी प्रमुख साइमन स्टिल, साथै, चिली र संयुक्त अधिराज्यका प्रतिनिधिहरूसँग पनि भेटवार्ता गरेका थिए।

भेट्मा उनले नेपालका जलवायु परिवर्तनसम्बन्धी प्राथमिकताबारे छलफल गर्नुका साथै सगरमाथा संवादका लागि औपचारिक निमन्त्रणा गरेको मन्त्री शाहीको सचिवालयले जनाएको छ।

पिटर्सवर्ग संवादमा सहभागी हुन मन्त्री शाही यही चैत १० गते त्यसतर्फ प्रस्थान गरेका थिए। विगत १४ वर्षदेखि जर्मनी सरकारले जलवायु परिवर्तनमा बहुपक्षीय भूमिका र अन्तरराष्ट्रिय सहकार्यको महत्त्वलाई प्रवर्द्धन गर्न ‘पिटर्सवर्ग जलवायु संवाद’ आयोजना गर्दै आएको छ।

जलवायु वार्तामा विशेष भूमिका रहेका देशहरूलाई आमन्त्रित गरिने यस संवादको १५औँ संस्करणमा पहिलो पटक नेपाल सरकारका तर्फबाट वनमन्त्री शाही सहभागी भएका हुन्।

काठमाडौं । सरकारी सेवालाई नागरिकको पहुँचमा सहज बनाउने उद्देश्यले विकास गरिएको नागरिक एपमा थुप्रै नयाँ फिचर थपिएका छन् । सूचना प्रविधि विभागले हालै राजधानीमा एक कार्यक्रम आयोजना गरी एपका नयाँ फिचरबारे जानकारी दिएको हो ।

विभागका नागरिक एप रिसर्च एन्ड डेभलपमेन्ट प्रोजेक्ट मेनेजर सन्तोष अर्यालले एपमा राष्ट्रिय परिचयपत्र प्रमाणीकरण, लोकसेवा आयोगको सर्भिस इन्टिग्रेसन, सुरक्षित पहिचानका लागि नागरिक पहिचान द्वारको स्तरोन्नति, आर्टिफिसियल इन्टेलिजेन्स (एआई)मा आधारित फोटो प्रमाणीकरणजस्ता सेवा थपिएको बताए ।

उनका अनुसार अहिले नागरिक एपमा भेरिफिकेसनका लागि आउने सबै फोटो एआईले नै विश्लेषण गर्छ । फोटो माग गरे अनुसारको नभए एआईले नै रद्द गरिदिन्छ । 

“हामीले अनलाइन कारोबारलाई सहज बनाउन इसेवा, खल्ती जस्ता भुक्तानी सेवाप्रदायक इन्टिग्रेट गरेका छौं । कनेक्ट आईपीएस इन्टिग्रेट गर्न पहल भइरहेको छ,” अर्यालले भने, “हामीले यूआई यूएक्समा सबैभन्दा धेरै समय खर्चिएका छौं । सुरुवाती दिनमा जस्तो यूआई थियो, अहिले त्योभन्दा भिन्नै आधुनिक यूआई छ । सबै डिभाइसमा नागरिक एप रेस्पोन्सिभ छ ।”

उनले राष्ट्रिय परिचयपत्रमा आधारित सुरक्षित डेटा आदानप्रदान, एनओसी प्रणालीमा रियल-टाइम भुक्तानी, नागरिक एपमा प्रयोगकर्ता अनुभवको सुधार, नागरिकता सेवाका लागि गृह मन्त्रालयको ‘MOHA-CIMS API’ सँग नागरिक एपको इन्टिग्रेसनका काम सम्पन्न भएको जानकारी दिए । त्यसका साथै विश्वविद्यालय ट्रान्सक्रिप्ट र प्रमाणपत्रको इन्टिग्रेट गर्ने काम पनि पूरा भइसकेको उनले सुनाए । 

“हामीले म्यानुअल्ली नै शैक्षिक प्रमाणपत्र इन्टिग्रेसनको काम गरेका छौं । राष्ट्रिय परीक्षा बोर्डको सर्भर डाउन भएकाले ब्याकअपबाटै धेरै समय लगाएर सबै प्रमाणपत्र नागरिक एपमा देखिने बनाएका छौं,” उनले थपे ।

अब बैंकमा खाता खोल्न गएपछि बैंकले नागरिक एपबाट क्यूआर कोड स्क्यानका लागि अनुरोध गर्छ । क्यूआर कोड स्क्यान गरिसकेपछि प्रयोगकर्ताको डिभाइसमा ‘तपाईं आफ्नो डेटा बैंकसँग शेयर गर्दै हुनुहुन्छ’ भन्ने मेसेज देखिन्छ । उक्त मेसेज स्वीकृत गरेको खण्डमा त्यहाँ उल्लेख भएको डेटा बैंकको सिस्टममा पुग्छ ।

नागरिक एपको प्रयोगलाई थप प्रभावकारी बनाउन प्रयोगकर्ताको गोपनीयता र सुरक्षालाई प्राथमिकतामा राखिएको र यसका लागि नियमित रूपमा सुरक्षा परीक्षण र प्रणाली अद्यावधिक गरिएको जानकारी दिइयो ।

त्यसबाहेक एपमा देखिएका विभिन्न कमजोरीलाई पनि सच्याइएको अर्यालले दाबी गरे । “एप हरेक समय परिमार्जन हुँदै जाने प्रोडक्ट हो,” उनले भने, “सर्वसाधारणलाई सहज बनाउन आवश्यक फिचर थप्दै जानेछौं ।”

त्यस्तै नागरिक एपको वेब पोर्टललाई पनि एपजस्तै काम गर्नसक्ने बनाइएको छ । खासगरी अकाउन्ट सिङ्क हुने, इन्टरफेस मिल्ने र मोबाइल एप जस्तै काम गर्नेगरी वेब पोर्टलको स्तरोन्नति गरिएको उनले सुनाए । त्यसैगरी बागमती प्रदेश अन्तर्गतका सबै सवारी चालक अनुमति पत्रका लागि नयाँ दर्ता र नवीकरणको सुविधा मिलाइएको छ ।

नागरिक एपलाई थप सहज र उपयोगी बनाउन निरन्तर प्रयास गरिरहेको सूचना प्रविधि विभागले जनाएको छ ।

यो परियोजना द एसिया फाउन्डेसन, डेटा फर डेभलपमेन्ट र यूके इन्टरनेसनल डेभलपमेन्टको सहयोगमा सम्पन्न भएको हो ।

पछिल्लो अध्यावधिक: चैत १३, २०८१ १३:५८

काठमाडौं–अर्घाखाँचीमा बस दुर्घटना हुँदा ४ जनाको मृत्यु भएको छ।

बुधबार अर्घाखाँचीको सुपादेउरालीको दर्शन गरेर फर्किंदै गरेको लु २ ख ३०३ नम्बरको बस शितगंगा नगरपालिका २ भुवनपाटास्थित गोरूसिंगे सन्धिखर्क सडकखण्डमा दुर्घटना भएको जिल्ला प्रहरी कार्यालय अर्घाखाँचीका इन्स्पेक्टर विष्णुप्रसाद पौडेलले जानकारी दिए।

उनले भने, ‘ साँझ पौने ६ बजेतिर सुपादेउरालीको दर्शन गरेर फर्किंदै थियो। एक्कासी दुर्घटना भयो। चार जनाको उपचारको क्रममा मृत्यु भयो।  ‘

उनका अनुसार मृत्यु हुने तीन जना महिला र एकजना पुरूष रहेका छन्। उनीहरुको पहिचान खुल्न बाँकी छ। यस्तै  दुर्घटनामा परी २७ जना घाइते  भएका छन् . उनीहरूलाई बुटवलमा उपचारका लागि लगिएको उनले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

अर्घाखाँची। जिल्लाको भुवनपाटामा आज साँझ भएको बस दुर्घटनामा थप एकसहित चार जनाको मृत्यु भएको छ। मृतक तीन जनाको सनाखत भएको प्रहरीले जनाएको छ।

दुर्घटनामा रुपन्देहीको बुटवल उपमहाननगरपालिका–८ बस्ने ५५ वर्षीया जमुना वस्याल, नवलपरासीको पश्चिम भुमही बस्ने ४५ वर्षीया उमा न्यौपाने, निजको ६५ वर्षीया सासु (नामथर नखुलेकी) र पश्चिम बर्दघाट बस्ने ४५ वर्षीय बस चालक मदनकुमार विकको मृत्यु भएको जिल्ला प्रहरी कार्यालयका निमित्त प्रहरी प्रमुख एवं प्रहरी निरीक्षक विष्णुप्रसाद पौडेलले जानकारी दिए। उनका अनुसार बस चालक विकको उद्धार गरी अस्पताल लैजाने क्रममा बाटोमा मृत्यु भएको हो।

यसअघि १५ जना घाइतेको उद्धार गरिएकामा प्रहरीले घटनास्थलबाट थप १२ जनाको उद्धार गरेको जनाउँदै प्रहरी निरीक्षक पौडेलले घाइतेको सङ्ख्या २७ पुगेको बताए। उनका अनुसार घाइतेमध्ये छ जनालाई उपचारका लागि लुम्बिनी प्रादेशिक अस्पतालमा पठाइएको छ भने अन्यको प्राथमिक स्वास्थ्य केन्द्र ठाडामा उपचार भइरहेको छ।

गोरुसिङ्गे–सन्धिखर्क सडकखण्डमा सुपा मन्दिर दर्शन गरी नवलपरासीका लागि फिर्ता हुँदै गरेको लु २ ख ३०३ नं को बस बस अचानक अनियन्त्रित भई शितगङ्गा नगरपालिका–२ सितापुरको भुवनपाटामा सडकबाट करिब २५ मिटर तल खसेर दुर्घटना भएको प्रहरीले जनाएको छ।

प्रहरी निरीक्षक पौडेलका अनुसार चालक विकको उद्धार गरी अस्पताल लैजाने क्रममा बाटोमा मृत्यु भएको हो। घटनाका बारेमा थप अनुसन्धान भइरहेको प्रहरीले जनाएको छ।

काठमाडौं । मदन भण्डारी विज्ञान तथा प्रविधि विश्वविद्यालयका प्राध्यापक तथा अनुसन्धानकर्ताले ६५ लाख रुपैयाँ बढीको अनुसन्धान वृत्ति​ प्राप्त गरेका छन् । यसअन्तर्गत शिक्षा, विज्ञान तथा प्रविधि मन्त्रालय, नेपाल विज्ञान तथा प्रविधि प्रज्ञा-प्रतिष्ठान (नास्ट) र फिलिपिन्सको बहाए फाउन्डेसनबाट विभिन्न विधामा नवीन अनुसन्धान गर्न यो अनुदान प्राप्त भएको हो ।

विश्वविद्यालयका अनुसार शिक्षा, विज्ञान तथा प्रविधि मन्त्रालयबाट विभिन्न विधामा २८ लाखभन्दा बढीको अनुसन्धान वृत्ति मिलेको छ । खुला प्रतियोगिताबाट चयन भएका यी अनुसन्धानकर्ताहरूले दिगो पूर्वाधार, जैविक कृषि, डिजिटल प्रविधि, वन जैव सामग्रीजस्ता क्षेत्रमा नवीन अनुसन्धान गर्ने विश्वविद्यालयले जनाएको छ ।

अनुसन्धान वृत्ति प्राप्त गर्ने प्रमुख अनुसन्धानकर्ताहरूमा डा. कीर्ति कुसुम जोशी (दिगो र लचक भवन निर्माण), डा. भुषण श्रेष्ठ (औषधीय च्याउबाट स्वास्थ्य सेवा उत्पादन), डा. सबिना श्रेष्ठ (प्राकृतिक खाद्य रङ्गको उपयोग), डा. सर्वेश दास डंगोल (स्थानीय कोदो र चामल संरक्षणका लागि रोग पत्ता लगाउने प्रविधि), डा. रिजन महर्जन (प्रविधि प्रयोग गरेर प्लास्टिक फोहोर व्यवस्थापन) र डा. झसनाथ अधिकारी सुबिन (मोलिक्युलर डकिंग गणनासम्बन्धी अनुसन्धान) छन् । 

त्यस्तै, नेपाल विज्ञान तथा प्रविधि प्रज्ञा-प्रतिष्ठान (नास्ट) ले आयोजना गरेको ‘युवा वैज्ञानिकहरूका लागि अनुसन्धान सहयोग’ कार्यक्रममा मदन भण्डारी विज्ञान तथा प्रविधि विश्वविद्यालयका अनुसन्धानकर्ताले १२ लाखको अनुसन्धान वृत्ति प्राप्त गरेका छन् । यसअन्तर्गत डा. सर्वेश दास डंगोलले ‘पोलीमेरासेसको इन-भिट्रो उत्पादन तथा ग्रहण’ सम्बन्धी अनुसन्धानका लागि अनुदान प्राप्त गरेका छन् ।

विश्वविद्यालयका अनुसन्धानकर्ताले अन्तर्राष्ट्रिय अनुसन्धान अनुदानसमेत प्राप्त गरेका छन् । यसअन्तर्गत फिलिपिन्सको बहाए फाउन्डेसनले टिकाउ सामग्रीहरूबाट सुलभ, विपद् प्रतिरोधी तथा वातावरणमैत्री घर निर्माणसम्बन्धी अनुसन्धानका लागि विश्वविद्यालयका डा. किशोर तिमल्सिनालाई २५ लाख रुपैयाँ हारहारीको अनुसन्धान वृत्ति प्रदान गरेको छ ।

हाल मदन भण्डारी विज्ञान तथा प्रविधि विश्वविद्यालयले डिजिटल प्रविधि, जैविक कृषि तथा वन जैव सामग्रीसम्बन्धी पाँच प्रमुख अनुसन्धान प्रयोगशालाहरू सञ्चालन गरिरहेको छ । निकट भविष्यमा साइबर सुरक्षा तथा डिजिटल फरेन्सिक प्रयोगशालासमेत स्थापना गर्ने लक्ष्य लिएको विश्वविद्यालयले नवीन अनुसन्धान तथा प्रविधि विकासमार्फत नेपालको वैज्ञानिक क्षमता अभिवृद्धि गर्दै आर्थिक वृद्धिमा प्रत्यक्ष योगदान पुर्‍याउने उद्देश्य राखेको छ ।

मकवानपुर जिल्लाको चित्लाङमा अवस्थित यो विश्वविद्यालयले अनुसन्धानमुखी शिक्षामा केन्द्रित हुँदै अन्तर्राष्ट्रियस्तरको विज्ञान तथा प्रविधि केन्द्रका रूपमा विकसित हुने लक्ष्य राखेको छ ।

पछिल्लो अध्यावधिक: चैत १३, २०८१ १८:१०

एजेन्सी–इजरायल रक्षा बल (आइडीएफ) ले बुधबार बिहान गाजा पट्टीबाट दक्षिणी इजरायलतर्फ दूई वटा रकेट प्रहार भएको जनाएको छ। 

रकेटहरूले गाजा पट्टी नजिकका समुदायहरू किबुट्ज किसुफिम र किबुट्ज इन हास्लोशामा साइरनहरू बजाएको थियो। सेनाले एउटा रकेट उत्तरपश्चिमी नेगेभ मरुभूमिको जिम्रतमा खसेको जनाएको छ। 

सो हमलाको बारेमा विस्तृतमा कुनै पनि जानकारी दिइएको छैन। आइडीएफले बुधबार बिहान सबेरै सो हवाई आक्रमण भएको तर यसबाट भएको क्षतिको बारेमा भने अहिले नै केही प्राप्त नभएको जनाएको छ।

प्यालेस्टाइन इस्लामिक जिहाद (पीआइजे) को सशस्त्र शाखा अल–कुड्स ब्रिगेड्सले आक्रमणको दाबी गर्दै प्यालेस्टिनीहरू विरुद्ध इजरायली आक्रमणको प्रतिक्रियामा ‘रकेटको एक श्रृङ्खला’ प्रहार गरेको बताएको छ।
 

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।