२०८१ चैत्र २४ आईतवार
LATEST NEWS
२०८१ चैत्र २४ आईतवार

६००० एमएएच ब्याट्री, धुलो र पानी प्रतिरोधी नयाँ फोन रियलमी सी ७५ नेपालमा, कति छ मूल्य ?

काठमाडौं । चिनियाँ स्मार्टफोन ब्रान्ड रियलमीले आफ्नो नयाँ स्मार्टफोन रियलमी सी ७५ नेपाली बजारमा भित्र्याएको छ । कम्पनीले मजबुत बनावट र आधुनिक विशेषतासहितको रियलमी सी ७५ सार्वजनिक गरेको हो ।

कम्पनीले रियलमी सी ७५ लाई जस्तो सुकै परिस्थिति सामना गर्न सक्ने गरी निर्माण गरिएको मजबुत फोन भएको दाबी गरेको छ । आईपी६९ रेटिङ प्राप्त यो स्मार्टफोन धुलो र पानी प्रतिरोधक समेत रहेको छ । आर्मरसियल ग्लासले यसलाई २६०% बढी ड्रप रेजिस्टेन्स र ४००% बढी स्क्राच रेजिस्टेन्स बनाएको दाबी कम्पनीले गरेको छ । साथै यो स्मार्टफोन एक्कासि खस्दा, कम्पन हुँदा र कडा तापक्रम पनि सहन गर्न सक्षम रहेको दाबी छ ।

६००० एमएएच ब्याट्री र ४५ वाट फास्ट चार्जिङ

रियलमी सी ७५ मा ६००० एमएएच क्षमताको ब्याट्री रहेको छ । जसले ५० घण्टाभन्दा बढीको कल टाइम, १८ घण्टा भिडिओ प्लेब्याक र ६० दिनको स्ट्यान्डबाई टाइम प्रदान गर्ने बताइएको छ । कम्पनीका अनुसार यसको ४५ वाटको फास्ट चार्जिङ प्रविधिले ३० मिनेटमै फोन ५० % चार्ज गर्न सक्छ ।

हाई पर्फमेन्स

रियलमी सी ७५ मा मिडियाटेक हेलियो जी ९२ म्याक्स प्रोसेसर प्रयोग गरिएको छ । कम्पनीका अनुसार यसले सहज गेमिङका साथै छिटो एप चलाउन र सहज रूपमा अन्य धेरै कार्य गर्न मद्दत गर्छ । यसमा ८ गिगाबाइट डाइनामिक मेमोरीका साथै १६ जीबीसम्म मेमोरी विस्तार गर्न सकिने विशेषता पनि रहेको छ । १२८ जीबी तथा २५६ जीबी स्टोरेज अप्सन रहेको यो स्मार्टफोनमा माइक्रोएसडी कार्ड पनि राख्न मिल्छ ।

स्मुथ र इमर्सिभ अनुभव

६.७२ इन्चको फुल एचडी डिस्प्ले सहितको रियलमी सी ७५ ले ९० हर्जको रिफ्रेश रेट प्रदान गर्छ । जसले स्मुथ स्क्रोलिङ र उत्कृष्ट भिजुअल अनुभव सुनिश्चित गर्ने दाबी कम्पनीको छ । ६८० निट्सको उच्चतम ब्राइटनेसले प्रत्यक्ष घाममा पनि फोनको डिस्प्ले राम्रोसँग देख्न सकिने बनाउँछ ।

एआई फोटोग्राफी

फोनमा ५० मेगापिक्सेलको एआई क्यामेरा दिइएको छ । यसमा एआई नाइट मोड समेत छ । सेल्फी तथा भिडिओ कलिङका लागि फोनको अगाडि भागमा ८ मेगापिक्सेलको एआई ब्युटी राखिएको छ ।

एआई स्मार्ट अनुभव

रियलमी सी ७५ मा विभिन्न एआई फिचर समेत रहेका छन् । यसमा रहेको एआई स्मार्ट लुपले ब्याकग्राउन्डमा चल्ने प्रक्रियाहरूलाई व्यवस्थापन गरेर ब्याट्री लाइफमा सुधार ल्याउँछ । सामान्य हातको सङ्केतहरूबाट फोन नियन्त्रण गर्न सकिने एआई स्मार्ट मोसन जेस्चरको फिचर पनि यसमा उपलब्ध गराइएको छ ।

मूल्य र उपलब्धता

रियलमी सी ७५ नेपालभरका सबै आधिकारिक रियलमी रिटेल स्टोरहरूमा उपलब्ध रहेको छ । यसको आठ जीबी र्‍याम तथा १२८ जीबी भेरियन्टको मूल्य २६ हजार ९९९ रुपैयाँ रहेको छ भने ८ जीबी र्‍याम तथा २५६ जीबी स्टोरेजका लागि २९ हजार ९९९ रुपैयाँ पर्नेछ ।

पछिल्लो अध्यावधिक: चैत ११, २०८१ १९:३३





सामाग्री श्रोत :
टेक पाना

छुटाउनुभयो कि ?

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।

ताजा अपडेट