काठमाडौं । अब गुगलको जेमिनाई एपमार्फत डिप रिसर्चमा आधारित अडियो ओभरभ्युज अर्थात् पडकास्ट तयार पार्न सकिने भएको छ । यसको मतलब तपाईँले जेमिनाईको सहयोगमा तयार पारिएका विस्तृत रिपोर्टलाई दुई ओटा एआई ‘होस्ट’ भएको पडकास्टमा बदल्न सक्नुहुन्छ ।
गत सेप्टेम्बरमा गुगलले आफ्नो एआई नोट एप नोटबुकएलएममा अडियो ओभरभ्युज सुरु गरेदेखि कम्पनीले होस्टहरूसँग अन्तरक्रिया गर्न र उनीहरूलाई गाइड गर्न दिएर यो सुविधामा लगातार नयाँ फिचर थप गरिरहेको छ । गुगलले यसै हप्तादेखि नि:शुल्क प्रयोगकर्ता र एड्भान्स सब्सक्राइबरका लागि जेमिनाई एपमा अडियो ओभरभ्युज फिचर ल्याएको हो ।
जसको सहयोगमा तपाईँले स्लाइड र डकुमेन्टहरूलाई एआई कुराकानी जस्तै एआई पडकास्टमा परिवर्तन गर्न सक्नु हुन्छ । यो फिचर डिप रिसर्चका लागि अझ उपयोगी हुने ठानिएको छ । गुगलको ‘एजेन्टिक’ एआई फिचरले तपाईँलाई वेब स्क्यान गरेर त्यसबाट प्राप्त हुने निष्कर्षमा आधारित विस्तृत रिपोर्ट तयार पारेर कुनै खास विषयमाथि खोज अनुसन्धान गर्न जेमिनाईको सहयोग लिन सकिने सुविधा दिन्छ ।
जब जेमिनाईले रिपोर्ट तयार पार्ने काम सम्पन्न गर्छ, तपाईँले अनुसन्धानमा आधारित अडियो ओभरभ्यु अर्थात् पडकास्ट सुन्नको लागि नयाँ ‘जेनेरेट अडियो ओभरभ्यु’ को विकल्प चयन गर्न सक्नुहुन्छ ।
पछिल्लो अध्यावधिक: चैत १०, २०८१ १२:११
सामाग्री श्रोत :
टेक पाना
