२०८१ चैत्र २५ सोमबार
२०८१ चैत्र २५ सोमबार

करिब १३ हजारमै १२० हर्ज रिफ्रेश रेट भएको आईटेलको नयाँ स्मार्टफोन ए८० नेपाली बजारमा

काठमाडौँ । नेपाली बजारमा नयाँ स्मार्टफोन आईटेल  ए ८० सार्वजनिक भएको छ। आईपीएस ५४ रेटिङ र १२० हर्ज रिफ्रेश रेट जस्ता विशेषता भएको यो फोन ‘क्या दामी छ !’ नारासहित सार्वजनिक गरिएको हो ।

आईटेल ए ८० लाई विशेष गरी विद्यार्थी, गेमर, प्रविधि प्रेमी र व्यवसायीहरूको आवश्यकता अनुसार डिजाइन गरिएको कम्पनीले बताएको छ। आईपीएस ५४ रेटिङ भएका कारण यो फोन धुलो र पानीका छिटाबाट सुरक्षित रहने दाबी गरिएको छ ।

फोनमा ६.७ इन्चको एचडी प्लस डट-इन डिस्प्ले रहेको छ । जसले उत्कृष्ट भिजुअल अनुभव प्रदान गर्ने बताइएको छ । ५,००० एमएएच क्षमताको ब्याट्री रहेको यो फोनमा युनिसक टी ६०३ अक्टा-कोर प्रोसेसर राखिएको छ ।  कम्पनीका अनुसार ८ जीबी र्‍याम (४ जीबी + ४ जीबी मेमोरी फ्युजन) र १२८ जीबी स्टोरेज रहेकोले यो फोनमा सहजै मल्टिटास्किङ गर्न सकिन्छ ।

फोटोग्राफीका लागि यसमा १३ मेगापिक्सेल एआई डुअल रियर क्यामेरा र ८ मेगापिक्सेलको फ्रन्ट क्यामेरा रहेको छ । साइड माउन्ट गरिएको फिङ्गरप्रिन्ट सेन्सर र फेस अनलक जस्ता सुरक्षाका सुविधाहरू पनि यसमा छन् ।

आईटेल ए ८० मा फोरजी भीओएलटीई, जीपीएस, वाई-फाई २.४, ब्लुटुथ ५.०, एफएम र टाइप-सी कनेक्टिभिटी रहेका छन्। फोन एन्ड्रोइड १४ गो एडिसनमा सञ्चालन हुन्छ ।

यो फोन स्यान्डस्टोन ब्ल्याक, ग्लेशियर ह्वाइट र वेभ ब्लु गरी तीन रङ्गमा उपलब्ध छ । कम्पनीले फोनमा १०० दिनको रिप्लेसमेन्ट वारेन्टी पनि प्रदान गर्ने जनाएको छ ।

नेपालभर ५० भन्दा बढी सेवा केन्द्रहरू मार्फत उपलब्ध हुने आईटेल ए ८० को मूल्य १२ हजार ९९० रुपैयाँ तोकिएको छ ।

 

पछिल्लो अध्यावधिक: चैत १०, २०८१ १०:८





सामाग्री श्रोत :
टेक पाना

छुटाउनुभयो कि ?

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।

ताजा अपडेट