काठमाडौं । ओमोडा एन्ड जेइकोले नेपाली अटो बजारमा एक सफल वर्ष पूरा गरेको छ । २०२४ फेब्रुअरीमा नेपाल प्रवेश गरेको कम्पनीले यसबिचमा ८०० भन्दा बढी विद्युतीय एसयूभी बिक्री गरेको जानकारी दिएको छ । साथै पहिलो वार्षिकोत्सवको अवसरमा नयाँ ग्राहकका लागि विशेष अफर घोषणा गरिएको छ ।
शारडा ग्रुपका निर्देशक गौरव शारडाले नेपाली ग्राहकको विश्वासकै कारण ओमोडा एन्ड जेइको छोटो समयमा लोकप्रिय भएको उल्लेख गर्दै भने, “ग्राहकहरूको माया र विश्वासका कारण हामी नेपाली बजारमा सफल भएका छौँ । भविष्यमा पनि उत्कृष्ट सेवा दिन निरन्तर प्रयास गर्नेछौँ ।”
वार्षिकोत्सवको अवसर पारी कम्पनीले नयाँ ग्राहकका विशेष अफर ल्याएको छ । यसअन्तर्गत कम्पनीले ५५ लाख ९९ हजार रुपैयाँबाट सुरु हुने ओमोडा एन्ड जेइको ईभी उपलब्ध हुने जानकारी दिएको छ । जसमा पाँच लाख १५ हजार रुपैयाँसम्मका विभिन्न लाभ, एक वर्षको नि:शुल्क बीमा, ७ किलोवाटको चार्जर, ब्याट्री र मोटरमा ८ वर्ष वा १,६०,००० किलोमिटरको वारेन्टी दिइनुका साथै १ वर्षको नि:शुल्क सडक कर सुविधा समावेश छन् ।
वार्षिकोत्सव विशेष अफरको लाभ लिन नजिकैको ओमोडा एन्ड जेइको शोरुम भ्रमण गर्न कम्पनीले आग्रह गरेको छ ।
कम्पनीले हाल ४३० किलोमिटर रेन्ज दिने ओमोडा इ-फाइभ र ४०० किलोमिटर रेन्ज दिने जेइको जे-सिक्स अफरोड एसयूभी बिक्री गरिरहेको छ । नेपालभर कम्पनीका १७ ओटा शोरुम र ३० भन्दा बढी चार्जिङ स्टेसन सञ्चालनमा छन् ।
यसैबिच, ओमोडा एन्ड जेइकोले २०२५ मा जेइको जे-फाइभ र जेइको भी-ट्वेन्टी-थ्री नेपाली बजारमा ल्याउने योजना सार्वजनिक गरेको छ ।
पछिल्लो अध्यावधिक: चैत ८, २०८१ ९:४५
सामाग्री श्रोत :
टेक पाना
