काठमाडौं । नेपालका लागि दीपल ईभीको आधिकारिक विक्रेता एमएडब्लु वृद्धि अटोकर्पले न्यूनतम डाउन पेमेन्टमै ईभी खरिद गर्न सकिने नयाँ योजना सार्वजनिक गरेको छ । ‘एक्सिलेरेट इन्टु द फ्युचर’ नामक योजनाअन्तर्गत ग्राहकले अब १३ लाख ९९ हजार रुपैयाँ डाउन पेमेन्टमा दीपल एल०७ मोडेलको ईभी आफ्नो बनाउन सक्नेछन् ।
त्यस्तै, एस०७ मोडेल १४ लाख ९९ हजार रुपैयाँमा र एस०७एल मोडेल १६ लाख ९९ हजार रुपैयाँ डाउन पेमेन्टमै खरिद गर्न सकिने छ ।
यस योजनामा ग्राहकले ८.९९ प्रतिशत वार्षिक ब्याजदरमा ७ वर्षसम्मको सवारी कर्जा सुविधा समेत प्राप्त गर्ने कम्पनीले जनाएको छ । एमएडब्लु हायर एन्ड पर्चेजमार्फत दुई दिनमै सवारी कर्जा स्वीकृत गरिने व्यवस्था गरिएको छ ।
यस योजनालाई अझ आकर्षक बनाउन ७ किलोवाट वा ३ किलोवाटको चार्जर, अटो प्लस इन्स्योरेन्स, रोड ट्याक्स र अन्य एक्सेसरिज गरी कम्पनीले दुई लाख रुपैयाँसम्मको थप सुविधा उपलब्ध गराउनेछ ।
यो अफर चैत ८ गतेदेखि १५ दिनका लागि लागु हुने कम्पनीले जनाएको छ । कम्पनीका अनुसार हालसम्म नेपालमा ८०० भन्दा बढी दीपल ईभी बिक्री भइसकेका छन् ।
पछिल्लो अध्यावधिक: चैत ९, २०८१ १७:१२
सामाग्री श्रोत :
टेक पाना
