२०८१ चैत्र २४ आईतवार
२०८१ चैत्र २४ आईतवार

आज काठमाडौं र ललितपुरका यी ठाउँमा बिजुली नआउने

काठमाडौं । काठमाडौं र ललितपुरका विभिन्न स्थानमा आज विद्युत अवरुद्ध हुने भएको छ । नेपाल विद्युत प्राधिकरणले मर्मत तथा प्रविधि स्तरोन्नतिको कार्यका लागि काठमाडौंको जोरपाटी, बानेश्वर र ललितपुरको पुल्चोक वितरण केन्द्रका केही क्षेत्रहरूमा विद्युत सेवा रोक्ने जानकारी दिएको छ ।

जोरपाटी वितरण केन्द्रअन्तर्गत मुलपानी-साझाबारी आसपासका स्थानमा बिहान १० देखि दिउँसो ३ बजेसम्म विद्युत अवरुद्ध हुनेछ । त्यहाँ उच्च भोल्टेज लाइन स्थानान्तरण गर्नुपर्ने भएकाले लाइन काट्न लागिएको प्राधिकरणले जनाएको छ ।

त्यस्तै, बानेश्वर वितरण केन्द्रअन्तर्गत पर्ने कोटेश्वर-सहयोगीनगर क्षेत्रमा बिहान ८ बजेदेखि साँझ ५ बजेसम्म लाइन रोकिनेछ । यहाँ विद्युत प्रशारण प्रणालीको एसिएसआर अपग्रेडिङ गरिने भएको छ ।

ललितपुरको पुल्चोक वितरण केन्द्रअन्तर्गत कुपन्डोल फिडरलाई पनि मध्याह्न १२ बजेदेखि दिउँसो साढे २ बजेसम्म बन्द गरिनेछ । यसले इटी, महापाल, पाटन दरबार, बंलामुखी, शंखमुल, पाटनढोका, मंगलबजार र छबाल क्षेत्रका उपभोक्तालाई प्रभावित गर्नेछ ।

विद्युत अवरुद्ध रहने स्थानका बासिन्दाहरूलाई प्राधिकरणले आवश्यक पूर्वतयारी गर्न आग्रह गरेको छ । निर्धारित समयभन्दा छिटो काम सम्पन्न भएमा लाइन तोकिएको समयभन्दा अगावै फर्किन सक्ने प्राधिकरणको भनाइ छ ।

 

पछिल्लो अध्यावधिक: चैत ९, २०८१ १०:४७





सामाग्री श्रोत :
टेक पाना

छुटाउनुभयो कि ?

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।

ताजा अपडेट