काठमाडौं । नागरिक एपमा फेरि समस्या देखिएको छ । एप नचल्दा सेवाग्राही मर्कामा परेका छन् ।
एप खोल्दा होमपेजमा ‘केही समस्या आएको छ । कृपया फेरि प्रयास गर्नुहोला’ भन्ने सूचना देखिन्छ । यसमा लिङ्क गरिएका केही कागजात हेर्न नमिल्दा सेवाग्राहीलाई सास्ती भएको छ ।
विशेषगरी नागरिक एपमा रहेको सवारी चालक अनुमति पत्र (ड्राइभिङ लाइसेन्स) प्रयोग गर्ने सेवाग्राही प्रभावित भएका छन् । लाइसेन्स देखाउनु पर्दा एप नचलेर समस्या भएको उनीहरूको गुनासो छ ।
यो समस्या आईओएस, एन्ड्रोइड र वेब एप तीन ओटै प्लेटफर्ममा देखिएको छ । समस्याको कारण भने खुल्न सकेको छैन । नागरिक एपको प्राविधिक टोलीसँग सम्पर्क गर्ने प्रयास भइरहेको छ ।
यसअघि नागरिक एपमा पिनकोड बाइपास हुने समस्या देखिएको थियो । सुरक्षाका लागि राखिएको फिचरले राम्रोसँग काम नगर्ने तथा गलत पिनकोड राख्दा समेत एप खुल्ने समस्या देखिएको थियो ।
पछिल्लो अध्यावधिक: चैत ९, २०८१ ११:५५
सामाग्री श्रोत :
टेक पाना
