काठमाडौं । ‘ग्लोबल मनी विक २०२५’ को अवसरमा फोनपेले ‘डिजी-स्मार्ट नेपाल’ अभियान सुरु गरेको छ । डिजिटल भुक्तानीलाई सुरक्षित, सरल र सहज बनाउने लक्ष्यसहित कम्पनीले यस्तो अभियान सुरु गरेको हो ।
अभियान अन्तर्गत नागरिकहरूलाई डिजिटल वित्तीय प्रणालीको महत्त्व, सुरक्षित कारोबारका उपाय र डिजिटल भुक्तानीको फाइदाबारे जानकारी दिइने कम्पनीले जनाएको छ । यो अवसरमा कलेजहरूमा स्क्रिप्ट ड्रामा, सचेतना क्विज प्रतियोगिता, वित्तीय विज्ञहरूसँग प्रश्नोत्तर कार्यक्रम लगायतका गतिविधिहरू आयोजना गरिनेछ ।
डिजिटल माध्यमलाई प्रोत्साहित गर्न व्यवसायीहरूलाई विशेष छुट तथा प्रोत्साहन पनि दिइनेछ । साथै, फोनपेले ‘शेयर एन्ड विन’ प्रतियोगिता पनि आयोजना गर्नेछ । यस प्रतियोगितामा सहभागीले डिजिटल भुक्तानी सम्बन्धी आफ्नो अनुभव भिडिओमार्फत शेयर गर्नुपर्नेछ । जसअन्तर्गत भाग्यशाली विजेताले ५० हजार रुपैयाँ जित्ने मौका पाउनेछन् ।
यस अभियान आगामी मार्च ३१ सम्म सञ्चालन हुनेछ । यस अवसरमा फोनपेले सबैलाई डिजिटल कारोबार गर्दा सतर्क रहन र व्यक्तिगत वित्तीय विवरण सुरक्षित राख्न आग्रह गरेको छ ।
पछिल्लो अध्यावधिक: चैत ८, २०८१ १४:१४
सामाग्री श्रोत :
टेक पाना
