काठमाडौं- स्वास्थ्य सेवा विभाग अन्तर्गतको उपचारात्मक सेवा महाशाखाकी निर्देशक डा सुधा देवकोटाको सरुवा गर्ने निर्णय भएको छ।
डा देवकोटालाई डडेल्धुरा अस्पतालमा सरुवा गर्ने निर्णय भएको स्वास्थ्य तथा जनसंख्या मन्त्रालय प्रशासन स्रोतले जानकारी दियो।
डा देवकोटा महाशाखामा गत वर्षको असोजमा निर्देशक भएर आएकी थिइन्। त्यसअघि उनी कोशी प्रदेशको स्वास्थ्य सचिव थिइन्।
डा देवकोटाको उपचारात्मक सेवा महाशाखाबाट डडेल्धुरा अस्पतालमा सरुवा भएपछि रिक्त रहेको उक्त पदमा भने कसलाई ल्याउने भन्ने विषयमा अझै निर्णय नभएको स्रोतले जानकारी दियो।
यसैगरी, टेकुस्थित शुक्रराज ट्रपिकल तथा सरुवा रोग अस्पतालमा काम गर्ने गरी ११ औं तहका डा राजिव रिजालको सरुवा भएको छ।
सामाग्री श्रोत :
swasthyakhabar
