काठमाडौँ । गुगलले लामो समयदेखि चल्दै आएको चर्चा पुष्टि गर्दै आफ्ना दुई प्रमुख अपरेटिङ सिस्टम एन्ड्रोइड र क्रोमओएसलाई एउटै प्लेटफर्ममा गाभ्ने घोषणा गरेको छ । प्रविधिको दुनियाँमा महत्त्वपूर्ण परिवर्तन ल्याउने अपेक्षाका साथ कम्पनीले यी ओएसलाई एउटै प्लेटफर्ममा संयोजन गर्न लागेको हो ।
गुगलको एन्ड्रोइड इकोसिस्टमका अध्यक्ष समीर समतले हालै एक अन्तर्वार्तामा भनेका छन्, “हामी क्रोमओएस र एन्ड्रोइडलाई एउटै प्लेटफर्ममा संयोजन गर्न जाँदैछौं । र, म आजकल मानिसहरूले आफ्नो ल्यापटप कसरी प्रयोग गरिरहेका छन् र के काम गरिरहेका छन् भन्ने कुरामा निकै चासो राख्छु ।”
उनको भनाइले गुगलले प्रयोगकर्तालाई फोन, ट्याब्लेट र ल्यापटपमा समान र एकीकृत अनुभव दिन खोजेको संकेत गर्छ । यसअघि पनि गुगलले क्रोमओएसलाई एन्ड्रोइडमा गाभ्ने प्रयासका चर्चा चलेका थिए । तर कम्पनीले आधिकारिक रुपमा पुष्टि गरेको थिएन ।
पछिल्लो समय एन्ड्रोइडमा ठुला स्क्रिनका लागि विशेष फिचरहरू थपिएका छन् । जसमध्ये डेडिकेटेड डेस्कटप मोड, सुधारिएको विन्डो म्यानेजमेन्ट र विभिन्न स्क्रिन आकारका लागि एडभान्स्ड स्केलिङ सुविधा रहेका छन् । यी परिवर्तनले दुई सिस्टमलाई एउटै बनाउने रणनीतितर्फ संकेत गर्ने विश्लेषण गरिएको छ ।
यसबाहेक, “Snowy” कोडनेम रहेको नयाँ पिक्सेल ल्यापटपमा पनि गुगलले काम गरिरहेको चर्चा छ । यो प्रिमियम ल्यापटपले गुगलको उत्पादन इकोसिस्टमलाई थप विस्तार गर्ने र नयाँ एकीकृत अपरेटिङ सिस्टममा चल्ने विश्वास गरिएको छ ।
गुगलको यो निर्णयले डेभलपरहरूलाई एउटै प्लेटफर्मका लागि एप विकास गर्न सजिलो बनाउनेछ भने प्रयोगकर्ताले फोन, ट्याब्लेट र ल्यापटपमा समान अनुभव प्राप्त गर्नेछन् । यद्यपि, पूर्ण रूपमा कहिलेसम्म मर्जर सम्पन्न हुन्छ भन्ने विषयमा गुगलले विस्तृत जानकारी दिएको छैन ।
पछिल्लो अध्यावधिक: असार ३१, २०८२ ८:१४
सामाग्री श्रोत :
टेक पाना
काठमाडौं- प्रहरीको केन्द्रिय अनुसन्धान ब्युरोले बबरमहलस्थित ‘होप फर्टिलिटी एन्ड डायग्नोस्टिक प्रालि’का पाँच जनालाई नियन्त्रणमा लिएको छ।
होप फर्टिलिटीमा किशोरीहरुको डिम्बको अवैध व्यापार हुने गरेको विषयमा अनुसन्धानपछि प्रहरीको टोलीले पाँच जनालाई नियन्त्रणमा लिएको हो।
नि:सन्तान दम्पतीलाई आइभीएफ लगायतका विभिन्न प्रविधिको सहयोगमा बच्चा जन्माउन सहयोग गर्ने संस्थाबाट नै १८ वर्ष मुनीका किशोरीको डिम्बको कारोबार भइरहेको फेला परेपछि पाँच जनालाई नियन्त्रणमा लिएको सिआइबी स्रोतले जानकारी दियो।
‘१८ वर्षमुनिका किशोरीको डिम्ब निकाल्ने र उनीहरुलाई केही रकम दिएर पठाउने गरेको कुरा देखिएको छ,’ सिआइबीका एक प्रहरीले भने, ‘किशोरीहरुलाई फकाएर यस्तो कारोबार गरेको पाएपछि थप अनुसन्धानका लागि पाँच जनालाई नियन्त्रणमा लिइएको हो।’
ती प्रहरीका अनुसार सिआइबीका उक्त कारोबार हुने गरेको विषयमा उजुरी परेको थियो। प्रहरीले सोही उजुरीका आधारमा अनुसन्धान गरेको थियो।
होप फर्टिलिटीबाट प्रहरी नियन्त्रणमा रहेका पाँच जनाको नाम भने प्रहरीले सार्वजनिक गरेको छैन। ‘यस विषयमा सिआइबीले थप अनुसन्धान गरिरहेको र छिट्टै नै नाम सहित विवरणहरु सार्वजनिक गर्ने छ,’ सिआइबीका एक प्रहरीले भने।
ती प्रहरीका अनुसार होपले १८ वर्षभन्दा कम उमेरका किशोरीलाई विभिन्न प्रलोभनमा पारेर क्लिनिकमा बोलाउने र डिम्ब निकाले राख्ने गरेको थियो। क्लिनिकमा आएका किशोरीहरुलाई होपले १० हजार रुपैयाँ दिएको पनि देखिएको उनले जानकारी दिए।
सामाग्री श्रोत :
swasthyakhabar
