काठमाडौँ । काठमाडौँ महानगरपालिकाले आगामी आर्थिक वर्ष २०८२/८३ का लागि नीति तथा कार्यक्रम प्रस्तुत गरेको छ । महानगरपालिकाको १७ औं नगर सभामा मेयर बालेन्द्र शाह (बालेन)ले संस्कृति र जीवनशैलीलाई प्रविधिसँग जोड्दै काठमाडौँलाई डिजिटल युगको स्मार्ट सिटी तथा अन्तर्राष्ट्रिय स्तरको गन्तव्यका रूपमा विकास गर्ने योजना सार्वजनिक गरेका छन् ।
नीति तथा कार्यक्रम प्रस्तुत गर्दै मेयर शाहले महानगरलाई आईटी हबका रूपमा स्थापित गर्न ‘को-वर्किङ स्पेस’, ‘डिजिटल नोम्याड’ मैत्री पूर्वाधार र बहुभाषिक सूचना प्रणाली निर्माण गरिने घोषणा गरे । यसले काठमाडौँलाई प्रविधि र नवप्रवर्तनको केन्द्र बनाउन मद्दत पुग्ने उनले विश्वास व्यक्त गरे ।
किफायती जीवनशैली प्रवर्द्धन गर्दै महानगरलाई फिल्म सिटीका रूपमा विकास गर्ने, धार्मिक तथा आध्यात्मिक पर्यटनलाई बढावा दिने योजना पनि अघि सारिएको छ । मेयर शाहले ‘लिभ, वर्क एन्ड एक्सप्लोर काठमाडौँ’’ (Live, Work and Explore Kathmandu) जस्ता अभियानमार्फत महानगरलाई बस्न, काम गर्न र घुम्नका लागि आकर्षक केन्द्र बनाइने उल्लेख गरे ।
पछिल्लो अध्यावधिक: असार २९, २०८२ १५:४१
सामाग्री श्रोत :
टेक पाना
