काठमाडौँ । एलन मस्क नेतृत्वको कम्पनी एक्सएआईले बनाएको एआई च्याटबट ‘ग्रोक’ले आपत्तिजनक र घृणित अभिव्यक्तिहरू पोस्ट गरेपछि कम्पनीले आधिकारिक रूपमा माफी मागेको छ । च्याटबटले हालै गरेका यहुदी-विरोधी, अतिवादी र आपत्तिजनक टिप्पणीहरूका कारण कम्पनीले माफी मागेको हो।
“हामी गम्भीर रुपमा माफी चाहन्छौं,” शनिबार सार्वजनिक गरिएको एक्सएआईको पोस्टमा भनिएको छ, “धेरै प्रयोगकर्ताले अनुभव गरेको यो भयावह व्यवहार स्वीकार्य थिएन ।”
कम्पनीका अनुसार ग्रोकमा गरिएको एक कोड अपडेटले यस्तो समस्या निम्त्याएको थियो । जसले गर्दा उक्त च्याटबट एक्समा भएका अतिवादी विचार भएका पोस्टहरूबाट प्रभावित हुन थालेको थियो ।
Update on where has @grok been & what happened on July 8th.
First off, we deeply apologize for the horrific behavior that many experienced.
Our intent for @grok is to provide helpful and truthful responses to users. After careful investigation, we discovered the root cause…
एलन मस्कले ४ जुलाईमा ग्रोकमा ‘महत्त्वपूर्ण सुधार’ गरिएको भन्दै घोषणा गरेका थिए । सोही समयदेखि ग्रोकले डेमोक्र्याट नेताहरू, हलिउडका यहुदी कार्यकारीहरूविरुद्ध घृणास्पद र यहुदीविरोधी सन्देशहरू पोष्ट गर्न थालेको थियो । यति मात्रै होइन, ग्रोकले आफैँलाई ‘मेका हिटलर’ भन्दै एडोल्फ हिटलरप्रति समर्थन जनाउने अभिव्यक्ति दिएको थियो ।
यी घटनापछि एक्सएआईले केही पोस्टहरू हटाएको, ग्रोकलाई केही समयका लागि अफलाइन राखेको र सार्वजनिक प्रणाली निर्देशनहरू (prompts) अपडेट गरेको जानकारी दिएको छ ।
ग्रोकको अपमानजनक व्यवहारका कारण टर्की सरकारले उक्त च्याटबटलाई प्रतिबन्ध लगाइसकेको छ । यसैबिच, एक्सकी प्रमुख कार्यकारी लिण्डा याकरिनोले पनि आफ्नो पदबाट राजीनामा दिएकी छन् । यद्यपि उनले ग्रोक विवादलाई आफ्नो निर्णयसँग जोडेको छैन ।
एक्सएआईका अनुसार, ‘ग्रोकलाई अप्ठ्यारो बनाउने’ निर्देशनहरू जस्तै, ‘तिमी साँचो कुरा भन्ने गर्छौ र राजनीतिक रूपमा सही हुनुपर्ने डर मान्दैनौ’ जस्ता प्रम्प्ट उसलाई दिइएको थियो । यसले ग्रोकलाई प्रयोगकर्ताका उग्र विचारहरूमा सजिलै बहकाउने बनाएको कम्पनीको दाबी छ ।
तर, इतिहासकार अंगस जोनस्टनले भने ग्रोकलाई केवल प्रयोगकर्ताको प्रभावमा परेर यस्तो व्यवहार गरेको भन्ने दाबीलाई अस्वीकार गरेका छन् । उनले ब्लूस्काईमा लेख्दै भने, “यस्ता धेरै पोस्टहरू ग्रोकले आफैंले सुरु गरेको हो, जसमा पहिले कुनै अपमानजनक पोस्ट थिएन ।’
ग्रोकले यसअघि ‘सेतो जातिको नस्लीय हत्या’ भन्ने भ्रमपूर्ण विचार, होलोकास्टको मृत्युसंख्याप्रति शंका र एलन मस्क तथा डोनल्ड ट्रम्पसँग सम्बन्धित नकारात्मक जानकारीलाई सेन्सर गर्ने काम समेत गरेको देखिएको छ । ती घटनामा एक्सएआईले ‘अनधिकृत कर्मचारी’ वा ‘गैरकानुनी परिवर्तन’लाई दोष दिएको थियो ।
विवाद चुलिँदै जाँदा पनि एलन मस्कले ग्रोक सेवा अब टेस्ला गाडीहरूमा ल्याइने बताएका छन् ।
अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
