काठमाडौं- नेपाल चिकित्सक संघको अगुवाईमा देशभरका चिकित्सकहरु आन्दोलनमा उत्रेपछि तीन जना मन्त्रीबीच छलफल भएको छ।
स्वास्थ्य तथा जनसंख्या मन्त्रालयमा स्वास्थ्य मन्त्री प्रदीप पौडेल, कानुन मन्त्री अजय चौरसिया र उद्योगमन्त्री दामोदर भण्डारीबीच छलफल भएको छ।
डाक्टरहरुको आन्दोलन र उनीहरुले उठाएका मागका विषयमा मन्त्रालयमा तीन मन्त्रीको छलफलपछि चिकित्सक संघसँग छलफल सुरु भएको मन्त्री पौडेलको सचिवालयले जानकारी दिएको छ।
‘तीन जना मन्त्रीको छलफलपछि उद्योगमन्त्री निस्कनु भएको छ। अब स्वास्थ्य र कानुन मन्त्रीसँग चिकित्सक संघको टोलीबीच छलफल सुरु भएको छ,’ सचिवालयका एक सदस्यले भने। उनका अनुसार छलफलमा नेपाल मेडिकल काउन्सिलका प्रतिनिधिहर समेत रहेको उनले जानकारी दिए।
उपभोक्ता अदालतको फैसलामा असन्तुष्टि जनाउँदै चिकित्सक संघको अगुवाईमा देशभरका चिकित्सक आन्दोलनमा उत्रेका छन्। चिकित्सकहरुले सोमबारदेखि आकस्मिक बाहेकका सेवा समेत बन्द गरेका छन्।
हेर्नुहोस् पोलिसी क्लिनिक
सामाग्री श्रोत :
swasthyakhabar
