काठमाडौँ । सशस्त्र प्रहरीमा प्रहरी सहायक निरीक्षक (असई) पदमा नाम निकालि दिने भन्दै पीडितबाट रकम ठगी गर्ने एक जनालाई प्रहरीले पक्राउ गरेको छ ।
पीडितलाई आफ्नो ईसेवा तथा विभिन्न बैँक खातामा ४ लाख ९१ हजार रुपैयाँ जम्मा गर्न लगाई ठगी गरी फरार रहेको आरोपमा काठमाडौँ उपत्यका अपराध अनुसन्धान कार्यालय टेकुको टोलीले ४७ वर्षीय सोम कौशिक क्षत्रीलाई पक्राउ गरेको हो ।
कार्यालयका अनुसार आइतबार काठमाडौँ जिल्ला अदालतबाट पक्राउ पुर्जी जारी भएकोमा उनलाई काठमाडौँकै नागार्जुन रामकोटबाट पक्राउ गरिएको हो । सोमबार पक्राउ परेका क्षत्रीमाथि ठगी सम्बन्धी कसुरमा थप अनुसन्धान तथा आवश्यक कारबाहीका लागि जिल्ला प्रहरी परिसर काठमाडौँ पठाइएको छ ।
पछिल्लो अध्यावधिक: असार १०, २०८२ १८:२४
सामाग्री श्रोत :
टेक पाना
