काठमाडौं- काठमाडौंको तीनकुनेमा भएको राजावादी आन्दोलनका प्रतिवादीहरूमध्ये ७ जनालाई थुनामा र ३२ जनालाई धरौटीमा रिहा गर्ने आदेश भएको छ। गत चैत १५ गते भएको आन्दोलनका नेतृत्वकर्ता मेडिकल व्यवसायी दुर्गा प्रसाईंलाई थुनामा पठाउने आदेश भएको हो।
प्रसाईं झापास्थित बी एण्ड सी मेडिकल कलेजका सञ्चालक हुन्।
अदालतबाट प्रसाईंसहित ७ जना प्रतिवादीलाई थुनामा र ३२ जनालाई धरौटीमा रिहा गर्ने आदेश भएको छ। काठमाडौं जिल्ला अदालतका न्यायाधीश ध्रुवराज कार्कीको इजलासले बिहीबार राति ढिलोगरी आदेश जारी गरेको थियो।
साँझ ५ बजे नै थुनछेक बहस सकिएको थियो। थुनामा पठाइएकामा दुर्गा प्रसाद प्रसाईं, तारा राजावादी भन्ने सरोज गौतम, अनुप राजावादी भन्ने गोकर्ण शाही, डण्डपानी रेग्मी, शुसिल बराल, केशव बस्नेत र कुमार तामाङ रहेका छन्।
सामाग्री श्रोत :
swasthyakhabar
