काठमाडौं- राष्ट्रिय स्वास्थ्यकर्मी महासंघको पाचौँ राष्ट्रिय महाधिवेशन जारी छ। शनिबार उद्घाटन गरिएको महाधिवेशनको बन्द सत्र चलिरहेको छ।
नयाँ नेतृत्व समेत चयन हुने अधिवेशनको निर्वाचन प्रक्रिया केही समयपछि मात्रै सुरु हुने देखिएको छ। महासंघ सम्बद्ध पार्टी नेकपा एमालेका नेताहरुले ‘सर्वसम्मत’को प्रयास गरिरहेका छन्। तर, प्रतिनिधि र आकांक्षी भने निर्वाचनको तयारीमा रहेको देखिएको छ।
यसैबीच उपाध्यक्ष भीमराज सिंहले अध्यक्षमा उम्मेदवारी घोषणा गरेका छन्। उनीसहित आकांक्षीको संख्या पाँच पुगेको छ। उपाध्यक्ष जगत नेपाली, रामहरी ढकाल पनि अध्यक्षका प्रत्यासी हुन् भने अनुशासन आयोगका अध्यक्ष त्रिलोक चन्द्र गुरुङले पनि अध्यक्षका लागि आकांक्षा देखाएका छन्।
सर्वसम्मत नेतृत्व चयन हुने अवस्थामा अध्यक्षमा दोहोरिने चाहना डा झलक शर्मा गौतमको पनि रहेको छ।
उम्मदेवारी घोषणा गर्ने क्रममा सिंहल आफ्नो सांगठनिक आबद्धता र प्रतिबद्धता समेत जारी गरेका छन्। जुन यसप्रकार छ :
हाल सम्मको सांगठानिक जिम्मेवारी
२०६७ सालमा दोस्रो महाधिवेशनमा केन्द्रिय सदस्य तथा सेती इन्चार्ज
२०७१ साल तेस्रो अधिवेशन केन्द्रीय सदस्य भेरी इन्चार्ज
२०७४ सालमा कर्णाली सहसंयोजक
२०७६ सालमा कर्णाली संयोजक
२०७८ सालमा केन्द्रिय उपाध्यक्ष
२०७९ मा चौधौं महाधिवेशनबाट पुन: केन्द्रिय उपाध्यक्ष हाल घटक इन्चार्ज
बिगत १५ बर्ष देखि निरन्तर केन्द्रीयस्तरमा संगठनमा सक्रिय
अध्यक्षमा उम्मेदवारी किन ?
– महासंघलाई युवाको आकर्षणको बिन्दु बनाउने अग्रजलाई सम्मान सहितको सांगाठनिक जिम्मेवारी दिने
– प्रत्येक घटकको आफ्नै पहिचान पेशागत हकहितमा संगठकको योगदान
– संगठकको योगदानमा संगठनको आफ्नो निवास निर्माणको अभियान संचालन गर्ने
– मुल पार्टीसँग समन्वय गरी योगदान आधारित अवसरहरु सृजना गर्न पहलकदमी लिने
– स्वऐच्छिक योगदानमा अक्षय कोष खडा गरिने
– महासंघलाई जनसंगठनको रुपमा बिकास गर्दै शक्ति आर्जित गर्ने, सो शक्ति पेशागत मुद्दा समग्र स्वास्थ्यकर्मीहरुको हकहित र जनसेवामा समर्पित गर्ने ।
– संघ, प्रदेश र स्थानीय तहका सम्रग स्वास्थ्यकर्मीको हकहित अधिकार र अस्तित्व स्वीकार्य हुने गरी एकीकृत स्वास्थ्य सेवा ऐन जारी गर्न बहस पैरवी गर्ने ।
– विश्व स्वास्थ्य संगठनको मापदण्ड अनुसार स्वास्थ्य सेवामा बजेटको अनुपात वृद्धि गर्न पैरवी गर्ने ।
– स्वास्थ्य बीमा कार्यक्रमलाई समयानुकुल परिमार्जन गरी दायरा फराकिलो बनाउन पहल गर्ने ।
– सबै प्रदेश तथा स्थानीय तहहरुमा कार्यरत स्वास्थ्यकर्मीहरुको सरुवा बढुवा तथा स्तरवृद्धिमा एकरुपता ल्याउन पहल गर्ने ।
– स्थानीय तहहरुमा कार्यरत स्वास्थ्यकर्मीहरुको अध्ययन बिदा स्वीकृतिको समस्यालाई सहजीकरण गर्ने।
– प्रदेश तथा स्थानीयतहहरुमा कार्यरत स्वास्थ्यकर्मीहरुको सरुवा लाई व्यवस्थित तथा अन्तरप्रदेश सरुवालाई व्यवस्थित तथा पुर्वअनुमान योग्य तथा चत्रीय प्रणाली बनाउने ।
– राष्ट्रिय स्वास्थ्यकर्मी महासंघ तथा यसका घटकहरुलाई व्यवस्थित बनाई विधिवत रुपमा महासंघमा दर्ता गर्न पहल गर्ने ।
– राष्ट्रिय स्वास्थ्यकर्मी महासंघको कार्यालय तथा अभिलेखलाई व्यवस्थित बनाई क्रमश आफ्रनै कार्यालय भवन निर्माण गर्न पहल गर्ने ।
– राष्ट्रिय स्वास्थ्यकर्मी महासंघका घटकहरुलाई व्यवस्थित बनाई तल्लो तहसम्म सदस्यता वितरणको विधिलाई व्यवस्थित गर्ने ।
– राष्ट्रिय स्वास्थ्यकर्मी महासंघ र मातृपार्टी बिचको सम्बन्धलाई सुमधुर बनाई स्वास्थ्य क्षेत्रमा पार्टीको तर्फबाट हुने कार्यक्रम तथा नियुक्तिहरुमा हस्तक्षपकारी भुमिका खेल्ने ।
– राष्ट्रिय स्वास्थ्यकर्मी महासंघ तथा घटकहरुमा सदस्यता विस्तार अभियान संचालन गरी कम्तिमा ५०००० सदस्यता बनाउने ।
– प्रदेश स्वास्थ्य मन्त्रालय मार्फत हुने क्रियाकलापहरुमा सम्बन्धित प्रदेश कमिटीलाई हस्तक्षपकारी भुमिका निर्वाह गर्न सम्बन्धित पार्टी कमिटी मापर्mत पहल गर्ने ।
– संघ प्रदेश तथा स्थानीय तहमा कार्यरत कर्मचारीहरुको समस्या समाधान तथा गुनासो सुनुवाईको लागि छुट्टै विभाग गठन गरी क्रियाशिल बनाउने तथा उक्त विभागहरु प्रदेश तह सम्म विस्तार गर्ने ।
सामाग्री श्रोत :
swasthyakhabar
