काठमाडाैं – प्रधानमन्त्री केपी शर्मा ओली चिकात्सा क्षेत्रकाे महत्व मान्छेको आयुसँग रहेकाले स्वास्थ्यकर्मीलाई सचेत रहन आग्रह गरेका छन्।
राष्ट्रिय स्वास्थ्यकर्मी महासंघ नेपालकाे पाँचौ महाधिवेशन उद्घाटनमा बाेल्दै उनले स्वास्थ्यकर्मी पनि नागरिक भएकाले राष्ट्रिय दायित्वमा पनि लाग्न जोड दिए।
आफूले चिकित्सा क्षेत्रलाई श्रध्दा गर्ने बताए। उनले भने, `भगवानमा विश्वास गर्नेहरुको म चित्त दुखाउन चाहान्न तर मैले डक्टर र नर्सहरुले कठिन स्थिपतमा पनि विरामी जादुमयीरुपमा मान्छेलाई बचाएको देखेको छु । त्यस कारण म त भन्छु, डक्टरर्स आर द ग्रेटर द्यान द गर्डस् ।´
बिरामी भएमा उपचार गर्ने त छँदैछ, त्यो भन्दा पहिला विरामी हुन नदिन लाग्नुपर्नेमा जोड दिँदै प्रधानमन्त्री ओलीले सस्तो र सजिलोसँग कसरी राम्रो उपचार दिन सकिन्छ भन्ने भावना बोक्न आग्रह गरे।
चिकित्सा विज्ञान यो तहमा नपुगेको भए र अस्पताल नभएको भए आफ्नो बिसौँ वार्षिक पुण्यतिथि सकिइसकेको हुने बताउँदै प्रधानमन्त्री ओलीले भने, `आज स्वास्थ्य क्षेत्रले असाधारण विकास गरेको छ । हामीले प्रतिरोधभन्दा अगाडि निरोधात्मक सचेतनामा लाग्नुर्छ । यस महासंघले भूमिका खेल्न सकोस् ।´
सामाग्री श्रोत :
swasthyakhabar
