काठमाडौं- सरकारले स्वास्थ्य तथा जनसंख्या मन्त्रालयको प्रशासन तर्फको सचिवमा डिल्लीराम शर्माले जिम्मेवारी सम्हालेका छन्। शुक्रबार मन्त्रालयमा उनले औपचारिक रुपमा जिम्मेवारी सम्हालेका हुन्।
स्वास्थ्य तथा जनसंख्या मन्त्री प्रदीप पौडेलले उनलाई मन्त्रालयमा स्वागत गरेका छन्।
सोमबारको मन्त्रिपरिषदको बैठकले मन्त्रालयमा कार्यरत सचिव हरिप्रसाद मैनालीलाई सरुवा गरेको थियो। मैनालीलाई सरुवा गरेपछि उनको स्थानमा शर्मालाई पठाइएको हो।
स्वास्थ्य सचिवबाट सरुवा भएका मैनालीलाई संस्कृति, पर्यटन तथा नागरिक उड्डयन मन्त्रालय सरूवा गरिएको छ।
मन्त्रिपरिषदको सोमबारको बैठकले स्वास्थ्यसहित विभिन्न मन्त्रालयका सचिवहरुको जिम्मेवारी हेरफेर गरेको थियो।
सामाग्री श्रोत :
swasthyakhabar
