काठमाडौँ । क्लासिक टेकले व्यापार व्यवसायलाई मध्यनजर गर्दै १ जीबीपीएसको ‘इन्टरप्राइज प्रो’ इन्टरनेट स्पिड सार्वजनिक गरेको छ । यस नयाँ प्याकेजमा पब्लिक आईपी एड्रेस, एलटू सपोर्ट र वाई-फाई सिक्स राउटर निःशुल्क प्रदान गरिनेछ ।
विशेष रूपमा होस्टेल, स्कुल, हस्पिटल, आईटी कम्पनी, कन्सल्टेन्सी, होटल लगायत धेरै प्रयोगकर्ता रहने व्यवसायहरूलाई लक्षित गर्दै यो सेवा सुरु गरिएको कम्पनीले जनाएको छ ।
साना स्पिडको इन्टरनेटमा धेरै प्रयोगकर्ता एकैपटक जडान हुँदा स्पिड कम हुनु र नेटवर्कमा कन्जेस्टन आउने समस्या भइरहने हुँदा त्यसको समाधानस्वरूप धेरै प्रयोगकर्तालाई सहज रूपमा सपोर्ट गर्न सक्ने १ जीबीपीएस इन्टरप्राइज प्रो प्याकेज ल्याइएको कम्पनीले जानकारी दिएको छ ।
कम्पनीले यो प्याकेजका लागि वार्षिक शुल्क ९९ हजार ९९९ रुपैयाँ तोकेकोमा अहिले अफर सञ्चालन गरिएको छ । यसअन्तर्गत प्रतिमहिना सात हजार २९९ रुपैयाँमा यो प्याकेज चलाउन सकिनेछ ।
यसका साथै कम्पनीले ५०० एमबीपीएसको इन्टरप्राइज प्रो प्याकेज पनि सार्वजनिक गरेको छ । कम्पनीका अनुसार यो सेवा हाल काठमाडौं लगायत देशका प्रमुख सहरहरूमा उपलब्ध भइसकेको छ ।
पछिल्लो अध्यावधिक: जेठ १४, २०८२ १५:३२
सामाग्री श्रोत :
टेक पाना
