काठमाडौं । ग्लोबल आइएमई बैंकको डिजिटल बैंकिङ सेवा बिहीबार मध्यरात साढे १२ बजेदेखि साढे ९ घण्टासम्म अवरुद्ध हुने भएको छ । बुधबार एक सूचना जारी गर्दै बैंकले कोर बैंकिङ सिस्टममा मर्मत गर्नुपर्ने भएकाले सेवा अवरुद्ध हुने जानकारी दिएको हो ।
“यस बैंकको कोर बैंकिङ सिस्टममा मिति २०८२/०२/१५ गते बिहान ००:३० बजेदेखि बिहान ९:०० बजेसम्म मर्मत कार्य गर्नुपर्ने भएकोले सो अवधिमा यस बैंकद्वारा प्रदान गरिने विद्युतीय कारोबारहरू जस्तै: मोबाइल बैंकिङ, इन्टरनेट बैंकिङ, एटीएम, क्यूआर पेमेन्ट आदि अस्थायी रूपमा अवरुद्ध रहने ब्यहोरा जानकारी गराउन चाहन्छौं,” बैंकले सूचनामा भनेको छ ।
यसबाट ग्राहकमा पर्न जाने असुविधाप्रति बैंकले क्षमा मागेको छ ।
पछिल्लो अध्यावधिक: जेठ १४, २०८२ ११:५७
सामाग्री श्रोत :
टेक पाना
