काठमाडौं- सरकारले स्वास्थ्य तथा जनसंख्या मन्त्रालयको प्रशासन तर्फको सचिवमा डिल्लीराम शर्मालाई ल्याएको छ।
सोमबारको मन्त्रिपरिषदको बैठकले मन्त्रालयमा कार्यरत सचिव हरिप्रसाद मैनालीलाई सरुवा गरेको थियो। मैनालीलाई सरुवा गरेपछि उनको स्थानमा महादेव पन्थलाई जिम्मेवारी दिने कुरा भएको थियो। तर पछि पन्थलाई राष्ट्रिय प्राकृतिक स्रोत तथा वित्त आयोगको सचिवको जिम्मेवारी दिँदै शर्मालाई स्वास्थ्यमा ल्याइएको प्रधानमन्त्री तथा मन्त्रिपरिषद कार्यालयका एक कर्मचारीले जानकारी दिए।
स्वास्थ्य सचिवबाट सरुवा भएका मैनालीलाई संस्कृति, पर्यटन तथा नागरिक उड्डयन मन्त्रालय सरूवा गरिएको छ।
मन्त्रिपरिषदको सोमबारको बैठकले स्वास्थ्यसहित विभिन्न मन्त्रालयका सचिवहरुको जिम्मेवारी हेरफेर गरेको छ।
सामाग्री श्रोत :
swasthyakhabar
